سنٹرل ڈائریکٹوریٹ آف نیشنل سیونگز کے زیر اہتمام 100 روپے مالیت کے اسٹوڈنٹس ویلفیئر قومی انعامی بانڈز کی قرعہ اندازی 15 اگست بروز جمعہ صبح 9 بجے اسٹیٹ بینک آف پاکستان لاہور میں ہوگی۔
100 روپے والے پرائز بانڈز کا پہلا انعام7 لاکھ ، دوسرا انعام 2 لاکھ روپے کے 3 انعامات اور تیسرا انعام 1000 روپے مالیت کے 1199 انعامات ہیں۔
اس موقع پر ایک خصوصی تقریب منعقد کی جائے گی جس میں مختلف مکاتب فکر سے تعلق رکھنے والی اہم شخصیات شرکت کریں گی۔
100 روپے والے پرائز بانڈز عوام میں خاصے مقبول ہیں کیونکہ یہ چھوٹے سرمایہ کاروں کے لیے نہ صرف محفوظ سرمایہ کاری کا ذریعہ ہیں بلکہ ہر تین ماہ بعد انعام جیتنے کا موقع بھی فراہم کرتے ہیں۔