بچپن کی تصویریں اکثر ہمیں اپنے پسندیدہ ستاروں کو ایک نئے انداز میں دیکھنے کا موقع دیتی ہیں۔ وہ چہرہ جو آج اسکرین پر اعتماد، اسٹائل اور شہرت کی پہچان ہے، کبھی معصومیت اور شرارت سے بھرا ہوا ہوتا تھا۔ بالی وُوڈ میں ایسے کئی اداکار ہیں جنہیں مداح بڑے پردے پر دیکھتے ہیں لیکن اگر ان کے بچپن کی تصویر سامنے آجائے تو پہچاننا آسان نہیں ہوتا۔ آج ہم بات کر رہے ہیں ایک ایسے اسٹار کی جو اپنے انرجی بھرے انداز، منفرد فیشن سینس اور شاندار اداکاری کے لیے مشہور ہیں۔
یہ اداکار ممبئی میں پیدا ہوئے اور بچپن سے ہی اداکاری کا شوق رکھتے تھے۔ تعلیمی سفر مکمل کرنے کے بعد انہوں نے بالی وُوڈ میں قدم رکھا اور پہلی ہی فلم میں اپنی پہچان بنالی۔ اپنے کیریئر کے آغاز میں رومانوی کرداروں سے شہرت پائی اور پھر مختلف جاندار کردار ادا کر کے خود کو ایک ورسٹائل اداکار ثابت کیا۔ ان کا انداز نڈر اور شخصیت ہمیشہ پرجوش رہتی ہے، یہی وجہ ہے کہ وہ ریڈ کارپٹ پر بھی سب کی توجہ کا مرکز ہوتے ہیں۔
ان کا تعلق کسی فلمی خاندان سے نہیں ہے، لیکن محنت، خوداعتمادی اور کرشمائی شخصیت نے انہیں بالی وُوڈ کے بڑے ناموں میں شامل کر دیا۔ یہ اداکار کئی ایوارڈز اپنے نام کر چکے ہیں اور ان کی شادی بھی ایک سپر اسٹار اداکارہ سے ہوئی ہے۔
جی ہاں! یہ شرارتی مسکراہٹ والا بچہ آج بالی وُوڈ کا مشہور اداکار رنویر سنگھ ہے۔ 6 جولائی 1985 کو ممبئی میں پیدا ہونے والے رنویر سنگھ نے 2010 میں فلم "بینڈ باجا بارات" سے ڈیبیو کیا اور بہترین مرد اداکار کے ایوارڈ سے بھی نوازے گئے۔ اس کے بعد "رام لیلا"، "باجی راؤ مستانی"، "پدماوت"، "گلی بوائے" اور "83" جیسی کامیاب فلموں نے انہیں سپر اسٹار کا درجہ دلایا۔ رنویر اپنی بے باک فیشن چوائسز، خوش مزاجی اور طاقتور پرفارمنسز کے لیے پہچانے جاتے ہیں اور آج ان کا شمار انڈسٹری کے سب سے کامیاب اداکاروں میں ہوتا ہے۔