پاکستان اسٹاک ایکسچینج میں کاروباری ہفتے کے آخری روز زبردست تیزی دیکھنے میں آئی اور ہنڈرڈ انڈیکس نئی ریکارڈ سطح پر پہنچ گیا۔
مارکیٹ میں دن کا آغاز مثبت انداز میں ہوا اور ابتدا میں ہی انڈیکس میں 800 سے زائد پوائنٹس کا اضافہ ریکارڈ کیا گیا۔ بعدازاں یہ رجحان مزید بڑھا اور ایک موقع پر ہنڈرڈ انڈیکس 2 ہزار 60 پوائنٹس کے اضافے کے ساتھ 1 لاکھ 61 ہزار 340 کی سطح پر جا پہنچا جو اب تک کی بلند ترین سطح ہے۔
اعداد و شمار کے مطابق رواں سال ہنڈرڈ انڈیکس میں 39 فیصد اضافہ ہو چکا ہے جبکہ گزشتہ ایک سال کے دوران یہ شرح تقریباً 96 فیصد رہی جو سرمایہ کاروں کے اعتماد اور مارکیٹ کے استحکام کی واضح عکاسی کرتی ہے۔