فیڈرل بورڈ آف ریونیو نے ٹیکس دہندگان کو ریلیف دیتے ہوئے انکم ٹیکس گوشوارے جمع کرانے کی آخری تاریخ میں 15 روز کی توسیع کر دی ہے۔ اب مالی سال 2025 کے گوشوارے جمع کرانے کی نئی آخری تاریخ 15 اکتوبر 2025 مقرر کر دی گئی ہے۔
ایف بی آر کے مطابق جو ٹیکس دہندگان مقررہ تاریخ تک ریٹرنز جمع نہیں کرائیں گے انہیں جرمانے اور قانونی کارروائی کا سامنا کرنا پڑ سکتا ہے۔ ترجمان ایف بی آر کا کہنا ہے کہ اس توسیع کا مقصد زیادہ سے زیادہ افراد کو سہولت فراہم کرنا اور ریونیو کلیکشن کے عمل کو مؤثر بنانا ہے۔
یاد رہے کہ پہلے گوشوارے جمع کرانے کی آخری تاریخ 30 ستمبر 2025 مقرر تھی، تاہم کاروباری حلقوں اور مختلف تنظیموں کی درخواست پر ایف بی آر نے ڈیڈ لائن میں توسیع کا فیصلہ کیا۔