مسلم اسٹوڈنٹس آرگنائزیشن راولپنڈی کے زیر اہتمام فلسطینی عوام سے اظہار یکجہتی کے لیے مظاہرہ کیا گیا۔
اس موقع پر مقررین نے کہا کہ 1948 کے بعد سے فلسطینی مسلسل اسرائیلی مظالم کا شکار ہیں، ہزاروں نوجوان، بچے، خواتین اور بزرگ شہید ہوچکے مگر ان کے حوصلے آج بھی بلند ہیں۔
مقررین نے کہا کہ اسرائیلی جارحیت کے نتیجے میں غزہ ملبے کا ڈھیر بن گیا ہے جبکہ اقوام متحدہ بھی اس مظالم کو روکنے میں ناکام رہی ہے۔ ان کا کہنا تھا کہ ہزاروں معصوم بچوں کو ان کی ماؤں کے سامنے قتل کیا گیا جس کی مثال تاریخ میں نہیں ملتی۔
شرکاء نے کہا کہ نیتن یاہو نے گزشتہ اڑھائی سال میں ظلم کی جو مثال قائم کی ہے اس کی نظیر ماضی میں نہیں ملتی۔ اسرائیل کے پشت پناہ طاقت اور گھمنڈ میں اندھے ہوچکے ہیں۔
مقررین نے زور دیا کہ محض زبانی مذمت کافی نہیں بلکہ عملی اقدامات کی ضرورت ہے جیسا کہ کورین صدر نے بھی زور دیا تھا۔