ٹیکساس :اہم پیشرفت، پہلی بار کروناوائرس کی ویکسین تیار کرلی گئی

نوائے وقت  |  Feb 22, 2020

چین سے پھیلنے والے کروناوائرس کو روکنے کے لیے اہم پیشرفت سامنے آگئی، سائنس دانوں نے پہلی بار کروناوائرس کی ویکسین تیار کرلی۔

غیرملکی خبررساں ادارے کی رپورٹ کے مطابق امریکی ریاست ٹیکساس میں طبی کمپنی کے سائنس دانوں نے سر جوڑ کر اس مہلک وائرس کا توڑ نکال لیا۔ اس اہم پیشرفت میں دیگر معیاری لیبارٹری سے خصوصی تعاون حاصل رہا۔ماہرین کا کہنا ہے کہ ویکسین تو تیار کرلی گئی ہے تاہم اس کے استعمال کو یقینی بنانے کے لیے مزید دو سال لگیں گے۔ مذکورہ ویکسین کو پہلے جانوروں میں ٹیسٹ کیا جائے گا جس کے بعد اسپتالوں کو فراہم کی جائے گی۔سائنس دانوں نے بتایا کہ کروناوائرس کی ویکسین کو ابھی انسانوں پر استعمال نہیں کیا گیا۔ اس ویکسین کا کامیاب تجربہ کرلیا گیا تو یہ کینسر کے مریضوں کے لیے استعمال کی جاسکتا ہے جو مفید ثابت ہوگی۔خیال رہے کہ چین میں مہلک ترین کرونا وائرس سے اموات کی تعداد 2236 ہو گئی، چینی حکام کا کہنا ہے کہ وائرس کے متاثرین کی تعداد میں کمی آ رہی ہے تاہم متاثرہ افراد کی ہلاکتوں کا سلسلہ نہیں روکا جا سکا۔

کرونا وائرس سے روز سو سے زائد افراد ہلاک ہو رہے ہیں، چین کے مشرقی علاقے کی جیل میں بھی 207 قیدیوں میں کرونا وائرس کی تصدیق ہوئی ہے، جب کہ گزشتہ چوبیس گھنٹوں میں چین میں 889 نئے کیسز رپورٹ ہو چکے ہیں، اور مجموعی کیسز کی تعداد 75 ہزار سے بڑھ گئی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More