ہم درد مہم مشکل وقت میں سہارا ہے، ریما خان

ہم نیوز  |  Mar 26, 2020

اسلام آباد: پاکستانی شوبز انڈسٹری کی معروف اداکارہ ریما خان نے کہا ہے کہ ’ہم درد‘ مشکل وقت میں مصیبت زدہ عوام کے لیے سہارا ہے۔

ہم نیوز پروگرام ’صبح سے آگے‘ میں گفتگو کرتے ہوئے ریما خان نے ہم نیٹ ورک کی جانب سے شروع کی گئی مہم ’ آؤ آگے بڑھیں اور ہم درد بنیں‘ کی تعریف کرتے ہوئے کہا کہ ہم درد مہم کو جتنا سراہا جائے کم  ہے، مشکل  وقت ہے سب کو متحدہ ہوکر کام کرنا چاہیے۔

ریما خان نے کہا کہ ڈاکٹر طارق اپنی ماہرانہ صلاحیتوں کو پاکستان میں بروئے کار لارہے ہیں اور پاکستان میں کورونا کی روک تھام کیلئے کوشاں ہیں۔ اللہ تعالیٰ ان کی مدد فرمائیں۔

یہ بھی پڑھیں: 

انہوں نے کہا کہ والدین کے ساتھ زیادہ سے زیادہ وقت گزاریں کیونکہ یہ خود احتسابی کرکے نفس کو صاف کرنے کا وقت ہے۔

اداکارہ ریماخان نے کہا کہ اللہ نے ایک ہمیں ایک اور موقع دیا ہے بہتر ہے اپنی اصلاح کریں۔

قبل ازیں اداکارہ احسن خان نے ’ہم درد‘ مہم کو سراہا تھا۔

ہم نیٹ ورک کی جانب سے شروع کی گئی مہم ’ آؤ آگے بڑھیں اور ہم درد بنیں‘ کے بارے میں اداکار احسن خان کا کہنا تھا کہ ’ہم درد‘ مشکل کی اس گھڑی میں غریبوں کا سہارا ہے۔

ہم نیوز کے مارننگ شو ’صبح سے آگے‘ میں گفتگو کرتے ہوئے پاکستان شوبز انڈسٹری کے معروف اداکار نے کہا کہ پوری دنیا میں تیز بھاگتی ہوئی زندگی کورونا وائرس کی وجہ سے رک  گئی ہے۔

یہ بھی پڑھیں: 

انہوں نے کہا کہ ہمیں گھر رہ کر اللہ کی یاد کا بہترین موقع ملا ہے لہٰذا مرد و خواتین گھروں میں رہ کر نماز کا اہتمام کریں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More