یورپی یونین نے پی آئی اے کااجازت نامہ معطل کردیا

سماء نیوز  |  Jun 30, 2020

پائلٹس کے جعلی لائسنس کا معاملہ سامنے آنے پر یورپین یونین کی ائیر سیفٹی ایجنسی نے یورپ کیلئے پی آئی اے کی پروازیں معطل کردیں۔

یورپین یونین میں شامل ممالک کے لیے فضائی آپریشن کے اجازت نامے کو 6 ماہ کیلئے معطل کردیا گیا ہے جس کا اطلاق یکم جولائی سے ہوگا۔ اس فیصلے کے خلاف اپیل دائر کی جاسکے گی۔

دوسری جانب پی آئی نے اجازت نامہ معطل ہونے پر اپنی یورپ کی تمام پروازیں منسوخ کرنے کا اعلان کرتے ہوئے کہا ہے کہ جن مسافروں کے پاس پی آئی اے کی بکنگ ہے ان کے پاس اختیار ہوگا کہ وہ بکنگ آگے کروا لیں یا اپنا ٹکٹ ریفنڈ کرلیں۔

‎پی آئی اے ترجمان کے مطابق یورپین فضائی سیفٹی کے ادارے کے ساتھ مسلسل رابطے میں ہے اور ان کے خدشات کو دور کرنے کیلئے اصلاحی اقدامات اٹھا رہے ہیں۔ اپیل بھی دائر کی جارہی ہے ۔ امید ہے اجازت نامہ جلد بحال کردیا جائے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More