نجی ملازمین کے لیے بحرین حکومت کا بڑا اعلان، اہم خبر آگئی

سچ ٹی وی  |  Jun 30, 2020

تفصیلات کے مطابق کورونا وائرس کے بعد پیدا ہونے والی صورت حال میں بحرین حکومت کی جانب سے نجی کمپنیوں کے ملازمین کے لیے بڑا اعلان کیا گیا ہے، حکومت سرکاری خزانے سے ملازمین کی 50 فیصد تنخواہ ادا کرے گی۔

بحرینی خبر رساں ادارے کے مطابق حکومت کی جانب سے کیے جانے والے فیصلے پر یکم جولائی 2020 سے عملدرآمد ہوگا، حکومت بجلی اور پانی کے بل میں مقامی شہریوں کو سہولت بھی دے گی۔

اس سے قبل بحرین حکومت کی جانب سے اعلان کیا گیا تھا کہ وہ نجی اداروں کے تمام ایک لاکھ ملازمین کی تنخواہوں کی مد میں 570 ملین ڈالر خرچ کرے گی۔

بحرینی حکومت کا کہنا تھا کہ کورونا وائرس کے پھیلاؤ سے پیدا ہونے والے اقتصادی مسائل کا بوجھ کم کرنے کے لیے اپریل سے جون تک تمام شہریوں کی تنخواہوں میں تعاون کیا جائے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More