ہر سیاسی شر انگیزی کا بھرپور اور بروقت جواب دیں گے، مراد سعید

بول نیوز  |  Jul 10, 2020

وفاقی وزیر مواصلات مراد سعید نے کہا ہے کہ ملک میں جاری ہر سیاسی شر انگیزی کا بھرپور اور بروقت جواب دیں گے۔

تفصیلات کے مطابق مولانا فضل الرحمٰن کی آصف زرداری سے ملاقات پر وفاقی وزیر مواصلات مراد سعید کی جانب سے ردعمل ظاہر کیا گیا ہے۔

وفاقی وزیر نے کہا ہے کہ دنیا آج وزیراعظم عمران خان کی متعین کردہ راہوں پر چل رہی ہے اور وباء سے پیدا ہونے والی مشکل ترین صورتحال میں وزیراعظم نے ملک بھر کی طرح سندھ میں غریبوں کو تحفظ فراہم کیا ہے۔

انہوں نے مزید کہا کہ وزیراعظم نے احساس کے تحت سندھ کے ہزاروں نادار خاندانوں کے ہاتھ پکڑے اور وباء کے تباہ کن اثرات کے باوجود وزیراعظم نے ملکی معیشت کی بحالی و افزائش کیلئے سمارٹ لاک ڈاؤن جیسی بہترین حکمت عملی تیار کی۔

وفاقی وزیر نے کہا ہے کہ مولانا کی زرداری صاحب سے قربتیں مکمل طور پر فطری اور قابل فہم ہیں کیونکہ مولانا نے جتنا ممکن ہو سکا زرداری صاحب شراکت سے فائدہ اٹھایا ہے اور آئندہ بھی اٹھائیں گے۔

مراد سعید کا کہنا تھا کہ زرداری صاحب سے چوری کا حساب مانگا گیا تو مولانا کنٹینر لیکر نکل کھڑے ہوئے تھے اور اب جے آئی ٹی منظرِ عام پر آئی ہے تو مولانا دوبارہ “پراجیکٹ” لینے پہنچ گئے۔

انہوں نے بتایا کہ سندھ کے عوام بدحالی اور بدانتظامی کی بھینٹ چڑھتے رہیں ہیں لیکن مولانا کی صحت پر کوئی فرق نہیں پڑتا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More