دنیا بھر میں کشمیری عوام سے یکجہتی کیلئے آج یوم استحصال منایا جا رہا ہے

نوائے وقت  |  Aug 05, 2020

پاکستان سمیت دنیا بھر میں آج کشمیری عوام سے اظہار  یکجہتی کے لیے یوم استحصال منایا جا رہا ہے۔ 

 گزشتہ برس 5 اگست کو بھارت نے کشمیر کی خصوصی حیثیت ختم کر کے اسے اپنے ساتھ غیر قانونی طریقے سے ضم کر لیا تھا، ساتھ ہی جموں اور لداخ کو کشمیر سے الگ کرنے کی غیر قانونی کوشش کی تھی  جس کے بعد سے وادی بھر میں سخت کرفیو اور لاک ڈاؤن ہے۔

اقوام متحدہ اپنی قراردادوں میں واضح طور پر قرار دے چکی ہے کہ کشمیر کے مستقبل کا فیصلہ خود کشمیری ایک ریفرنڈم کے ذریعے کریں گے۔

آج 5 اگست کو بھارت کے اس غیر قانونی اقدام کا ایک سال مکمل ہو گیا ہے  جس پر  پاکستان سمیت دنیا بھر میں آج کشمیریوں سے اظہار یکجہتی کے لیے 'یوم استحصال' منایا جا رہا ہے۔

کشمیریوں کے ساتھ اظہار یکجہتی کے لیے حکومت اور  ملک کی تمام سیاسی جماعتیں بھی متحد ہیں۔

یوم استحصال کے موقع پرکشمیریوں سے اظہار یکجہتی کے لیے وزیراعظم عمران خان آج مظفر آباد کا دورہ کریں گے  اور وہ آزاد کشمیر کی قانون ساز اسمبلی سے خطاب کریں گے۔

اس کے علاوہ پاک فوج کے شعبہ تعلقات عامہ (آئی ایس پی آر) نے یوم استحصال کشمیر کی مناسبت سے ’جا چھوڑ دے میری وادی‘ کے عنوان سے ایک ویڈیو جاری کی ہے جس میں نامور اداکار، گلوکار، کھلاڑی اور صحافی شامل ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More