سندھ میں آج سے کاروباری سرگرمیاں بحال

بول نیوز  |  Aug 10, 2020

سندھ میں آج سے کاروباری سرگرمیاں بحال کردی جائیں گی تاہم محکمہ  داخلہ سندھ نے تاحال نوٹی فکیشن جاری نہیں کیا۔

تفصیلات کے مطابق ترجمان وزیراعلیٰ سندھ نے اپنے ایک بیان میں کہا کہ حکومت سندھ نے10 اگست سے صوبے بھر میں قواعد و ضواط کے تحت تجارتی و کاروباری سرگرمیوں کی بحالی کی اجازت دی تھی جس کے تحتسندھ میں آج سےکاروباری سرگرمیاں بحال کردی جائیں گی تاہم محکمہ داخلہ کےنوٹی فکیشن کے بعد نئےحکم نامےکااطلاق ہوگا۔

ہوٹل،ریسٹورنٹ رات10بجےتک کھلےرکھےجاسکیں گے جبکہ شادی ہالز،تعلیمی اداروں سےمتعلق فیصلہ آئندہ ماہ ہوگا۔

یاد رہے کہ اس سے قبل سندھ حکومت نے بھی صوبے میں تمام کاروباری مراکزسمیت ریسٹورنٹس ، سینما 10 اگست سے کھولنے کا فیصلہ کیا ہے۔

وزیر تعلیم سندھ سعید غنی کا کہنا ہے کہ اگر کورونا کیسزبڑھ گئے تو فیصلوں پر نظرثانی کرسکتے ہیں اور جو شعبے کھول رہے ہیں وہ بند کرنے پرغور کرسکتے ہیں۔

تمام تجارتی مراکز رات 9 بجے تک کھولنے کا اعلان

سعید غنی کا کہنا ہے کہ صوبے میں 10 اگست سے ریسٹورنٹس،کیفے،سینما،بزنس سینٹرز کھولے جائیں گےجبکہ ایکسپو سینٹرز، بیوٹی پارلرز اور جم بھی 10 اگست سے کھول دیے جائیں گے تاہم ایمیوزمنٹ پارکس ابھی نہیں کھول رہے۔

واضح رہے کہ کورونا کے باعث کاروباری،تعلیمی،سماجی سرگرمیوں پرپابندی عائد کی گئی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More