60 سیکنڈز میں سانس کے ذریعے کورونا کی تشخیص

ہم نیوز  |  Oct 30, 2020

کورونا نہ صرف بطور مرض تکلیف دہ ہے بلکہ اس کی تشخیص کا عمل بھی انتہائی تکلیف دہ ہوتا ہے تاہم اب کورونا وائرس کی تشخیص کے لیے آسان طریقہ دریافت کر لیا گیا ہے۔

یہ بھی پڑھیں: 

حال ہی میں سنگاپور کی نیشنل یونیورسٹی کی اسپن آف کمپنی میڈٹیک اسٹارٹ اپ بریتھونکس کی جانب سے کورونا وائرس کی تشخیص کے لیے ’بریتھالیسر ٹیسٹ‘ دریافت کیا گیا ہے جو ایک منٹ کے اندر کورونا وائرس کی تشخیص کر سکتا ہے۔

’بریتھالیسر ٹیسٹ‘ میں پائلٹ کلینیکل ٹرائل کے دوران 180 مریضوں کے ٹیسٹ کیے گئے جس کے نتائج 90 فیصد درست ثابت ہوئے۔

فی الوقت کورونا وائرس کی تشخیص کے لیے عمومی طور پر پی سی آر ٹیسٹ کیا جاتا ہے جس میں ناک اور حلق سے نمونہ لیا جاتا ہے۔ یہ عمل کافی تکلیف دہ ہوتا ہے اور اس کے نتائج بھی چند گھنٹوں بعد سامنے آتے ہیں۔

نیا ’بریتھالیسر ٹیسٹ‘ صرف مشتبہ شخص کی سانس کے ذریعے کیا جاتا ہے اور اسی کے ذریعے کورونا وائرس کی تشخیص کی جا سکتی ہے۔

اس ٹیسٹ میں ماہرین مشتبہ شخص کی سانس میں بدلنے والے اورگینگ کمپاؤنڈ کی جانچ کرتے ہیں۔

یہ بھی پڑھیں: 

بریتھونکس کمپنی کے سی ای او ڈاکٹر جیا ژہنہان کے مطابق لرننگ سافٹ وئیر سے 60 سیکنڈز میں نتائج حاصل کیے جا سکتے ہیں جب کہ اس ٹیسٹ کو کرنے کے لیے خصوصی تربیت یافتہ اسٹاف یا لیبارٹری کی ضرورت بھی نہیں ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More