مہاجرین کی کشتی تباہ ہونے سے 140 افراد ڈوب کر ہلاک

سچ ٹی وی  |  Oct 30, 2020

غیر ملکی خبر رساں ادارے کے مطابق اقوام متحدہ کی ایجنسی برائے مہاجرین نے واقعے کو رواں سال اب تک کشتیاں یا چھوٹے بحری جہاز تباہ ہونے کے باعث ڈوب کر ہونے والی ہلاکتوں میں سب سے خطرناک واقعے قرار دیا ہے جس میں 140 افراد کی ہلاکت کی تصدیق ہوچکی ہے۔

میڈیا رپورٹس کے مطابق تباہ ہونے والی کشتی میں 200 افراد سوار تھے جن میں سے 59 افراد کو سینیگال اور اسپین کی بحریہ سمیت قریب ہی موجود مچھیروں نے ریسکیو کرلیا جب کہ ڈوبنے والوں میں سے 20 افراد کی لاشیں بھی نکالی جاچکی ہیں۔

اقوام متحدہ کے ادارہ برائے مہاجرین کےمطابق کشتی مغربی سینیگال کے ساحل سے اسپین کے کینیری آئس لینڈ کے لیے روانہ ہوئی تھی جس میں چند گھنٹے بعد ہی آگ لگ گئی۔

اقوام متحدہ کے ادارے نے حادثے پر افسوس کا اظہار کرتے ہوئے کہا کہ گزشتہ ہفتے بھی اسی ساحل میں ایک کشتی تباہ ہوئی تھی جس کے بعد وسطی بحیرہ روم میں کشتی تباہ ہونے ہونے کا یہ چوتھا واقعہ ہے۔

اقوام متحدہ کا کہنا ہےکہ ایک اندازے کے مطابق اس سال مغربی افریقا سے کینیری آئس لینڈ کی طرف مہاجرین کی تقریباً 11 ہزار سے زائد کشتیاں روانہ ہوئیں۔

اقوام متحدہ کے ادارہ برائے مہاجرین نے حکومتوں اور عالمی برداری پر زور دیا کہ وہ انسانی اسمگلنگ کے ایسے نیٹ ورکس کے خلاف متحد ہوں جو مایوس نوجوانوں سے فائدہ اٹھاتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More