چین کے شہر تیانجن کے 30 لاکھ باسیوں کا کرونا ٹیسٹ کروایا جائے گا

العربیہ  |  Nov 21, 2020

عوامی جمہوریہ چین نے شمالی شہر تیانجن میں کرونا وائرس کی وباء کے پھیلنے کے خدشے کے تحت شہر کے 30 لاکھ باسیوں کے ٹیسٹ لینا شروع کر دئیے ہیں۔اس کے علاوہ شنگھائی کے ایک ہسپتال میں کرونا کیسز سامنے آنے کے بعد ہسپتال میں موجود تمام 4015 افراد کے ٹیسٹ لئے گئے ہیں۔

چین کے قومی صحت کمیشن کے مطابق تیانجن میں پانچ جبکہ شنگھائی میں دو کرونا کیسز سامنے آئے ہیں۔

تیانجن کی انتظامیہ کے مطابق چار مختلف افراد میں کرونا کی تشخیص کی گئی تھی جس کے بعد ان افراد کے رہائشی علاقوں کو لاک ڈائون کر دیا گیا تھا۔لاک ڈائون کے بعد علاقے کے تمام رہائشیوں کے کرونا ٹیسٹ کرنے کا فیصلہ کیا گیا ہے۔

چین میں کرونا وائرس کے مصدقہ کیسز کی تعداد 86414 تک پہنچ چکی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More