یکساں نصاب تعلیم بہت بڑی کامیابی اور انقلابی قدم ہے، وزیراعظم

بول نیوز  |  Dec 04, 2020

وزیراعظم عمران خان نے کہا ہے کہ یکساں نصاب وزارت تعلیم کی ایک بہت بڑی کامیابی اور انقلابی قدم ہے۔

تفصیلات کے مطابق وزیراعظم عمران خان نے ریڈیو اسکول اور ای تعلیم پورٹل کا افتتاح کرتے ہوئے افتتاحی تقریب سے خطاب میں کہا ہے کہ ریڈیو اسکول کا منصوبہ وزارت اطلاعات اور وزارت تعلیم کے اشتراک سے شروع کیا گیا ہے۔

وزیراعظم نے بتایا ہے کہ اس عمل سے  ملک کے دور دراز علاقوں میں بھی کورونا وبا کی وجہ سے معطل ہونے والے تعلیمی سلسلہ کو بحال رکھا جا سکے گا۔

وزیراعظم کا کہنا تھا کہ پوری دنیا اس وقت کرونا کی وجہ سے مشکلات کا شکار ہے، کورونا سے تعلیمی عمل بھی متاثر ہوا ہے۔

انہوں نے کہا کہ وزارت تعلیم اور وزارتِ اطلاعا نے تعلیم کے سلسلے کو جاری رکھنے کے لیے خاطر خواہ اقدامات اٹھائے ہیں اور اس اقدامات سے تعلیمی عمل پر وبا کی وجہ سے پڑنے والے منفی اثرات میں کمی واقع ہوگی۔

وزیراعظم نے بتایا ہے کہ ریڈیو اسکول کے اس عمل میں جدید ٹیکنالوجی کا استعمال خوش آئند ہے کیونکہ اس سے دور دراز علاقوں میں معیاری تعلیم پہنچانے میں مدد ملے گی۔

وزیراعظم کی جانب سے نیشنل ایجوکیشن پالیسی کو بھی جلد سے جلد مکمل کرنے کی ہدایات جاری کی گئی ہیں اور بتایا ہے کہ ٹیلی اسکولنگ کے اقدام سے طلباء کے لئے دس گھنٹے کی نشریات جاری رہیں گی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More