امریکی صدر ٹرمپ نے ملالہ ایجوکیشن ایکٹ پر دستخط کردیے

ہم نیوز  |  Jan 17, 2021

واشنگٹن: امریکہ کے صدر ڈونلڈ ٹرمپ نے ملالہ ایجوکیشن ایکٹ پر دستخط کردیے ہیں۔

ہم نیوز نے وائٹ ہاؤس سے جاری کردہ اعلامیے کے حوالے سے بتایا ہے کہ اب اعلیٰ تعلیم کے اسکالر شپ پروگرام میں 50 فیصد تعلیمی وظائف پاکستانی خواتین کو ملیں گے۔

پاکستان کی نوبیل انعام یافتہ ملالہ یوسف زئی کے نام پر امریکی ایوان نمائندگان نے بل گزشتہ سال مارچ میں ہی منظور کرلیا تھا۔ ماہ رواں کے اوائل میں سینیٹ نے بھی بل کی حتمی منطوری دے دی تھی۔

امریکی قواعد و ضوابط کے تحت اسکالر شپ بل کو حتمی منظوری کے لیے صدر ٹرمپ کے پاس بھیجا گیا تھا جنہوں نے اب اس ایکٹ پر دستخط کر دیے ہیں۔ امریکی صدر کی جانب سے دستخط کیے جانے کے بعد بل قانون کی شکل اختیار کرگیا ہے۔

ملالہ یوسف زئی اب عالمی امور پر مبنی فلم میں نظر آئیں گی

ملالہ یوسف زئی خود پر ہونے والے حملے کے بعد سے برطانیہ میں مقیم ہیں۔ ملالہ یوسف زئی نے آکسفرڈ یونیورسٹی سے گریجویشن مکمل کرلی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More