براڈ شیٹ کے لئے تحقیقاتی کمیٹی پر اپوزیشن کا اعتراض بلا جواز ہے۔خود انہوں ننے براڈ شیٹ کی تحقیقات کا مطالبہ کیا تھا۔ اعجاز شاہ

روزنامہ اوصاف  |  Jan 24, 2021

ننکانہ صاحب ( م انیٹرنگ ڈیسک)وفاقی وزیر انسداد منشیات اعجاز احمد شاہ نے کہا ہے کہ براڈ شیٹ کے لئے تحقیقاتی کمیٹی پر اپوزیشن کا اعتراض بلا جواز ہے، خود اپوزیشن جماعتوں نے براڈ شیٹ کی تحقیقات کا مطالبہ کیا تھا،براڈ شیٹ کیس میں پاکستان تحریک انصاف کا کوئی کردار نہیں ہے، حکومت نے عوام کو براڈ شیٹ سکینڈل کی اصل حقیقت بتانے کے لئے تحقیقاتی کمیٹی بنائی، ان خیالات کا اظہار انہوں نے ضلع ننکانہ صاحب کے قصبہ بچیکی میں پارٹی رہنماؤں سے ملاقات اور بعد ازاں میڈیا سے گفتگو کرتے ہوئے کیاانہوں نے کہا کہ براڈ شیٹ کیس اٹھارہ سال قبل کا سکینڈل ہے جس کا فیصلہ بھی 2018 میں آچکا تھا،پی ٹی آئی حکومت  نے اب ادائیگی اس لئے کی کیونکہ پاکستان کو پانچ ہزار پاؤنڈ روزانہ جرمانہ ہو رہا تھا،اس سکینڈل کی تحقیقات کے لئے حکومت جو بھی کمیٹی بنائے گی اپوزیشن اس پر اعتراض کرے گی،انہوں نے کہا کہ وزیر اعلیٰ پنجاب سے ہونے والی ملاقات میں منشیات فروشوں کے خلاف بھرپور کریک ڈاؤن پر اتفاق ہوا ہے جس کے لئے پنجاب پولیس، کسٹم،ایکسائز سمیت تمام اداروں سے تعاون لیا جا ئے گا،منشیات فروش ہماری نسلوں کو کھوکھلا کر رہے ہیں جن کے خاتمے کے لئے ہر پاکستانی کو اپنا کردار ادا کرنا ہو گا،ایک سوال کے جواب میں انہوں نے کہا کہ پنجاب حکومت ویلج کونسل کی سطح پر بلدیاتی الیکشن کروانے کے لئے تیار ہے،ستمبر تک الیکشن کمیشن کو لوکل باڈی آرڈیننس کے بارے بتا دیا جائے گا جس کے بعد الیکشن کمیشن بلدیاتی الیکشن کا شیڈول دے گا،اعجاز احمد شاہ نے کہا کہ بچیکی بچیانہ روڈ اوربچیکی ننکانہ روڈ سمیت مختلف سڑکوں کی تعمیر پر کام کا جلد آغاز ہو جا ئے گا۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More