یو اے ای: اسرائیل، تل ابیب میں سفارتخانہ کھولنے کی منظوری دیدی

ہم نیوز  |  Jan 24, 2021

دبئی: متحدہ عرب امارات نے اسرائیل کے شہر تل ابیب میں سفارتخانہ کھولنے کی منظوری دے دی ہے۔ سفارتخانہ کھولنے کی منظوری متحدہ عرب امارات کی کابینہ نے دی ہے۔

مؤقر انگریزی اخبار عرب نیوز نے عالمی خبر رساں ایجنسی کے حوالے سے بتایا ہے کہ عرب امارات کی حکومت نے سماجی رابطے کی ویب سائٹ ’ٹوئٹر‘ پر کابینہ کے فیصلے کا حوالہ دیتے ہوئے تل ابیب میں سفارتخانہ کھولنے کا اعلان کیا ہے۔

متحدہ عرب امارات اور اسرائیل کے درمیان گزشتہ سال اگست میں تاریخی معاہدہ طے ہوا تھا جس کے بعد دونوں ممالک کے درمیان سفارتی تعلقات استوار ہوئے تھے۔

اسرائیل، متحدہ عرب امارات اور بحرین کے درمیان سفارتی تعلقات قائم

متحدہ عرب امارات اور اسرائیل کے درمیان سفارتی تعلقات قائم کرنے میں سابق امریکی صدر ڈونلڈ ٹرمپ نے اہم کردار ادا کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More