ممبران اسمبلی ایماندار اور باصلاحیت لوگوں کو ووٹ دیں،سراج الحق

بول نیوز  |  Feb 25, 2021

امیر جماعت اسلامی سینیٹر سراج الحق نے کہا ہے کہ ممبران اسمبلی ایماندار اور باصلاحیت لوگوں کو ووٹ دیں۔

تفصیلات کے مطابق امیر جماعت اسلامی سینیٹر سراج الحق نے اپنے ایک بیان میں کہا کہ پیسے اور طاقت کے زور پر الیکشن کے عمل کو ہائی جیک کرلیا جاتاہے جبکہ اسٹیبلشمنٹ جتنی سیاست سے دور رہے گی اتنی ہی باوقار رہے گی جبکہ اعلیٰ عدالتوں سے توقع ہے کہ نظریہ ضرورت کو دفن کر کے قوم کی امنگوں کی ترجمانی کریں گی۔

امیر جماعت اسلامی نے کہا کہ کشمیر پر نیشنل ایکشن پلان کی تیاری وقت کی اہم ترین ضرورت ہے۔

سراج الحق نے یہ بھی کہا کہ الیکشن ریفارمز کے بغیر پائیدار جمہوریت کے قیام کی منزل حاصل نہیں کی جاسکتی، آنے والا دور شہزادے ، شہزادیوں کا نہیں ، ان کا ہے جن کا جینا اور مرنا ملک و قوم کے لیے ہے۔

امیر جماعت اسلامی کا کہنا تھا کہ وزیراعظم نے بیرون ملک جا کر بھارت کے حوالے سے انتہائی کمزور موقف اپنایا جبکہ کشمیر کی آزادی کے لیے نئی دہلی سرکار کے سامنے مضبوط موقف اپنانا ہوگا۔

 سراج الحق کا یہ بھی کہنا تھا کہ سپریم کورٹ کے سینیٹ الیکشن سے متعلق ریفرنس کے ریمارکس کا خیر مقدم کرتے ہیں، سیاسی جماعتوں کو آپس میں الیکشن ریفارمز پر مذاکرات کرنے چاہیے جبکہ سیاسی سموگ سے جان چھڑانے کے لیے قوم جماعت اسلامی کا ساتھ دے۔

 امیر جماعت اسلامی سینیٹر سراج الحق کا مزید کہنا تھا کہ فضائی آلودگی کے خاتمے کے لیے ہر شخص پودا لگائے جبکہ قوم موسم بہار کے دوران زیادہ سے زیادہ درخت لگائے جائیے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More