شاہ رخ خان قرنطینہ میں چلے گئے

ہم نیوز  |  Apr 14, 2021

بھارت کے معروف اداکار کنگ خان شاہ رخ خان اپنی نئی فلم کے عملے کا کورونا ٹیسٹ مثبت آنے کے بعد قرنطینہ میں چلے گئے۔

بھارتی میڈیا رپورٹس کے مطابق شاہ رخ خان کی نئی  فلم ’پٹھان‘ کی شوٹنگ کے دوران کچھ ٹیم ممبران کے کورونا وائرس ٹیسٹ کیے گئے جو مثبت آئے ہیں۔

رپورٹس کے مطابق عملے کے ٹیسٹ مثبت آنے کے بعد فلم کی شوٹنگ روک دی گئی ہے جب کہ شاہ رخ خان قرنطینہ میں چلے گئے ہیں۔

یاد رہے کہ چند ماہ قبل معروف بالی ووڈ اداکار سلمان خان نے شاہ رخ خان کی فلم ’پٹھان ‘ کی شوٹنگ شروع کی تھی۔

بھارتی میڈیا رپورٹس کے مطابق سلمان خان شاہ رخ کی فلم میں بطور مہمان اداکار جلوہ گر ہوں گے۔

رپورٹ کے مطابق عالمی وبا کورونا وائرس کے باعث سلمان خان نے شوٹنگز معطل کر رکھی ہیں تاہم شاہ رخ خان کے ساتھ کئے گئے وعدے کی وجہ سے وہ شوٹنگ میں شامل ہوئے ہیں۔

’پٹھان‘ کی شوٹنگ گزشتہ سال نومبر میں شروع ہوئی تھی۔ یہ 2018 میں آئی ’زیرو‘ کے بعد شاہ رخ خان کی پہلی فلم ہو گی۔

کارڈز چھپوانے کے بعد سلمان خان کا شادی سے انکار

رپورٹ کے مطابق  پٹھان کے لئے سلمان خان 10-8 دن شوٹ کریں گے، اس فلم میں ان کا گیسٹ اپیئرنس تھوڑا بڑا ہو گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More