وزیراعظم آج کراچی کا دورہ کریں گے

سماء نیوز  |  Apr 16, 2021

فائل فوٹو

وزیراعظم عمران خان ایک روزہ دورے پر آج بروز جمعہ 16 اپریل کو کراچی پہنچیں گے۔

کراچی آمد پر وزیراعظم سکھر کا دورہ کریں گے۔ سکھر میں وزیراعظم کامیاب جوان پروگرام کی تقریب میں شرکت کریں گے۔ وزیراعظم کامیاب قرار پائے جانے والے نوجوانوں میں چیک بھی تقسیم کریں گے۔

اس موقع پر تقریب میں وزیراعظم تربیت مکمل کرنے والے نوجوانوں میں سرٹیفکیٹ بھی تقسیم کریں گے۔ سکھر آمد پر پارٹی رہنماؤں سے ملاقاتیں شیڈول ہیں، جب کہ جی ڈی اے رہنماؤں سے بھی ملاقات کی جائے گی۔

کراچی آمد پر وزیراعظم گورنر سندھ سے بھی ملاقات کریں گے۔ جب کہ مقامی اور پارٹی عہدے داروں سے بھی وزیراعظم کی ملاقات کا امکان ہے۔ بعد ازاں وہ کراچی میں شوکت خانم کے فنڈریزنگ افطار ڈنر میں شرکت کریںگے۔

وفاقی وزیر اطلاعات و نشریات چوہدری فواد حسین کے مطابق وزیراعظم کی جانب سے آج سندھ کیلئے 446 ارب روپے کے میگا ترقیاتی پیکج کا اعلان کیا جائے گا۔ یہ خطیر رقم کراچی پیکج کے 11سو ارب روپے کے علاوہ ہوگی۔

چوہدری فواد حسین کا مائیکرو بلاگنگ سائٹ پر کہنا تھا کہ اگلے 2 سال انشا اللہ سندھ کی ترقی کے سال ہوں گے۔ تحریک انصاف سندھ کے عوام کی مرحومیوں کے خاتمے کیلئے ہر ممکن اقدام کر رہی ہے۔ اعلان کردہ پیکیج سندھ کی 14 اضلاع کیلئے ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More