کسی جتھے کو ریاست کو یرغمال بنانے کی اجازت نہیں دے سکتے،شیخ رشید

بول نیوز  |  Apr 16, 2021

وزیر داخلہ شیخ رشید احمد نے کہا ہے کہ کسی جتھے کو ریاست کو یرغمال بنانے کی اجازت نہیں دے سکتے۔

تفصیلات کے مطابق وزیر داخلہ شیخ رشید احمد نے کمبائنڈ ملٹری اسپتال اور ڈسٹرکٹ ہیڈکواٹرزاسپتال راولپنڈی کا دورہ کیا ہے اور کالعدم تحریک لبیک پاکستان کے کارکنوں کے تشدد سے زخمی ہونے والے پولیس اہلکاروں اور رینجرز کے جوانوں کی عیادت کی ہے۔

اس موقع پر وزیر داخلہ نے رینجرز کےجوانوں اور پولیس اہلکاروں کو شاباشی دیتے ہوئے پیشہ وارانہ امور پر زبردست خراج تحسین پیش کیا۔

وزیرداخلہ نے کہا کہ قانون نافذ کرنے والے اداروں نے امن و امان کے حوالے سے بہت زبردست کام کیا، امن و امان بحال رکھنے پر پولیس اور رینجرز کے افسروں اور جوانوں نے بہت ہمت اور بہادری دکھائی۔

قانون نافذ کرنے والے اداروں نے کالعدم تنظیم کے کارکنوں کی متشددانہ کاروائیوں کا تحمل سے مقابلہ کیا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More