بھارتی اداکار نیل نتن مکیش بھی کورونا وائرس میں مبتلا

ہم نیوز  |  Apr 19, 2021

نئی دہلی: بالی ووڈ اداکار نیل نتن مکیش بھی کورونا وائرس کا شکار ہو گئے۔

بھارتی میڈیا کے مطابق متعدد فنکاروں کے بعد اب نیل نتن بھی کورونا وائرس کا شکار ہو گئے۔ بالی ووڈ اداکار نے سماجی رابطے کی ویب سائٹ ٹوئٹر پر لکھا کہ تمام تر احتیاط اور گھر میں رہنے کے باوجود مجھے اور اہلخانہ کے ایک فرد کو کورونا ہو گیا ہے۔

انہوں نے کہا کہ اس وقت ہم لوگ گھر پر قرنطینہ میں ہیں اور ڈاکٹرز کی ہدایت پر عمل کر رہے ہیں۔

Need all your love and blessings. 🙏🏻. Please do not take the situation out there lightly.

— Neil Nitin Mukesh (@NeilNMukesh)

دنیا بھر میں پھیلتی کورونا وبا کی تیسری لہر بھارت میں سنگین صورتحال اختیار کر چکی ہے جبکہ بھارتی ریاست مہاراشٹر اور اس کے دارالحکومت ممبئی میں مسلسل کورونا کیسز میں اضافہ دیکھنے میں آرہا ہے۔

یومیہ دو لاکھ سے زائد افراد کورونا وائرس میں مبتلا ہو رہے ہیں اس اضافے کا اثر بالی ووڈ پر بھی پڑ رہا ہے جہاں ہر گزرتے دن کے ساتھ ایک نا ایک اداکار اس وائرس کا شکار ہورہا ہے۔

خیال رہے کہ اس سے قبل بھی بالی ووڈ کے کئی فنکار کورونا وائرس کی تیسری لہر کا شکار ہوچکے ہیں جن میں گووندا، ارجن رامپال، سونو سود، راہول رائے ، منیش ملہوترا ،اکشے کمار، عالیہ بھٹ، عامر خان، رنیبر کپور، فاطمہ ثنا شیخ، سنی دیول، کارتک آریان، بپی لہری اور رنگاناتھ مدھاون سمیت دیگر شامل ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More