بلوچستان: عبدالستار ایدھی کا قد آدم مجسمہ نصب

ہم نیوز  |  Jun 18, 2021

کوئٹہ: شہر کے وسط میں بین الاقوامی شہرت یافتہ سماجی کارکن اور ایدھی فاؤنڈیشن کے بانی سربراہ عبدالستار ایدھی کا قد آدم مجسمہ نصب کیا گیا ہے۔

ہم نیوز کے مطابق کوئٹہ کے وسطی علاقے میں عبدالستار ایدھی کا مجسمہ انہی کے نام سے منسوب چوک پر نصب کیا گیا ہے۔ عبدالستار ایدھی کا قد آدم مجسمہ معروف آرٹسٹ اور مجسمہ ساز اسحاق لہڑی نے تیار کیا ہے۔

ایدھی فاؤنڈیشن کے بانی سربراہ عبدالستار ایدھی کا مجسمہ پیپلز پرائمری ہیلتھ کیئر انسٹی ٹیوٹ کے تعاون سے نصب کیا گیا ہے۔

معروف آرٹسٹ اسحاق لہڑی کا کہنا ہے کہ وہ عبدالستار ایدھی صاحب کی گراں قدر سماجی خدمات پر انہیں خراج عقیدت پیش کرنا چاہتے تھے۔

چند ماہ قبل بلوچستان کے شہر زیارت میں قائد اعظم ریزیڈنسی کے ساتھ بانی پاکستان قائد اعظم محمد علی جناح کا مکمل اور قد آور مجسمہ تیار کرکے نصب کیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More