ایف بی آر نے پراپرٹی ایجنٹس کے دفاتر کی آن سائٹ انسپیکشن کا آغاز کردیا

بول نیوز  |  Aug 03, 2021

فیڈرل بورڈ آف ریونیو (ایف بی آر) نے پراپرٹی ایجنٹس کے دفاتر کی آن سائٹ انسپیکشن کا آغاز کردیا ہے۔

تفصیلات کے مطابق پراپرٹی ایجنٹس کے دفاتر کو آگاہ کیا گیا ہے کہ ایف بی آر کی ٹیم، ڈپٹی ڈائریکٹر، متعلقہ افسران اور ڈائریکٹوریٹ اسٹاف دفاتر کا دورہ کریں گے۔

ایف بی آر کے ذرائع کے مطابق ان سے کلائنٹ ڈیٹا کی تفصیلات لی جائیں گی تاکہ مشکوک ٹرانزیکشن رپورٹس جاری کی جاسکیں۔

اس کے علاوہ اسٹیٹ ایجنٹس کو بذریعہ نوٹس آگاہ کردیا گیا، 50 ہزار سے زائد ریئل اسٹیٹ ایجنٹس کو نوٹسز بھیجے گئے ہیں، غیر منقولہ جائیداد کی مشکوک خرید و فروخت کی نگرانی کے لئے رئیل اسٹیٹ ڈویلپرز کا اندراج ہوگا اور رجسٹرڈ پراپرٹی ڈیلرز کے دفاتر کا آڈٹ ہوگا۔

ذرائع ایف بی آر کے مطابق اس سے قبل 22 ہزار سے زیادہ پراپرٹی ڈیلرز رجسٹرڈ ہوچکے ہیں، ریئلٹرز کو نان فائننشل بزنس کے طور پر رجسٹرڈ کیا جائے گا اور ہر ریئلٹر اینٹی منی لانڈرنگ ایکٹ 2010 کے تحت مشکوک لین دین پکڑنے میں مدد فراہم کرے گا۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More