صدف کنول کے بیان پر خلیل الرحمان کا ردعمل سامنے آگیا

بول نیوز  |  Aug 03, 2021

پاکستان کے معروف رائٹر خلیل الرحمان قمر نے اداکارہ صدف کنول کے بیان کی مکمل تائید کرتے ہوئے کہا ہے کہ شوہر کی خدمت کرنا ان کا ذاتی فعل ہے، انہوں نے اپنی رائے کسی پر بھی مسلط کرنے کی کوشش نہیں کی۔

پاکستان کے نمبر 1 نیوز چینل بول نیوز کے پروگرام ایسے نہیں چلے گا میں گفتگو کرتے ہوئے خلیل الرحمان قمر کا کہنا تھا کہ صدف کنول اپنے شوہر کے جوتے پالش کرے یا انھیں موزے ڈھونڈ کر دے، یہ سراسر ان کا ذاتی فعل اور مسئلہ ہے، ہمارے معاشرے میں ایسا ہو ہی نہیں رہا۔ اگر کوئی خاتون اپنے شوہر کی خدمت کیلئے ایسا کرتی ہے تو یہ محبت کی اعلیٰ مثال ہے۔

انہوں نے کہا کہ صدف کنول نے کوئی بری بات نہیں کی، اس نے خواتین کو کوئی قانون بنا کر نہیں دیدیا، یا ان کے گھروں میں جھانک کر نہیں دیکھا کہ انہوں نے بھی ایسا ہی کرنا ہے۔

معروف ڈرامہ نگار کا کہنا تھا کہ جس نے جو کرنا ہے کرے، ہم تو اپنی اقدار کو بچانے کی کوششوں میں مصروف ہیں۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More