سول ایوی ایشن اتھارٹی اور پی آئی اے کے درمیان تنازعہ

بول نیوز  |  Sep 22, 2021

سول ایوی ایشن اتھارٹی اور قومی ائیرلائن (پی آئی اے) کے درمیان  تنازعہ ہوگیا ہے۔

تفصیلات کے مطابق سول ایوی ایشن اتھارٹی کے اجلاس میں اہم فیصلے کیے گئے ہیں جس کا باقاعدہ سی اے اے ڈائریکٹر فئنانس نے نوٹیفکیشن بھی جاری کردیا ہے۔

جاری کردہ اعلامیے میں بتایا گیا ہے کہ سی اے اے نے پی آئی اے کی ائیرپورٹ سروسز روکنے کا فیصلہ کرلیا ہے، پی آئی اے کو یکم نومبر سے مسافروں کو جہاز میں سوار کرنے کیلئے بریج نہیں دیے جائیں گے۔

اعلامیے میں بتایا گیا کہ پی آئی اے جہاز کیلئے پاور سپلائی بھی سی اے اے سے حاصل نہیں کرسکے گا اسکے علاوہ سی اے اے نے پی آئی اے پر مسافروں سے ائیرپورٹ چارجز خود وصول کرنے پر بھی پابندی لگا دی ہے۔

 جاری کردہ نوٹیفکیشن کے مطابق پابندی کے باوجود جو مسافر یکم اکتوبر سے پی آئی اے کو ائیرپورٹ چارجز ادا کریں گے ان سے سی اے اے بھی لازمی سروس چارجز وصول کرے گی۔

واضح رہے کہ پی آئی اے کی جانب سے سی اے اے کے 127 ارب روپے واجب الادا ہیں جبکہ سی اے اے کو وعدے کے مطابق پی آئی اے نے رواں سال مئی سے واجب الادا رقم ماہانہ پچیس کروڑ روپے کی قسط کی صورت میں ادا کرنے تھے۔

خیال رہے کہ پی آئی اے نے وعدے کے باوجود پانچ ماہ بعد بھی ایک ارب پچیس کروڑ کی قسطوں میں سے صرف چند ہی روپے ہی ادا کیے ہیں۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More