میسنجر میں ایک مذیدار فیچر کا اضافہ

بول نیوز  |  Oct 22, 2021

جس طرح وقتاً فوقتاً فیس بک کے فیچرز میں اضافہ ہوتا ہے بالکل ویسے ہی میسنجر کے فیچرز میں بھی اضافہ  کیا جاتا ہے۔

موجودہ فیچرز میں اضافے کا مطلب صارفین کے لئے ایپلیکیشن کو آسان سے آسان تر کرنا ہوتا ہے۔

اسی خیال کو مد نظر رکھتے ہوئے فیس بک میسنجر میں ایک مذیدار فیچر کا اضافہ کیا گیا ہے جس کی مدد سے گروپ کالز کے دوران اے آر ایفیکٹس اور گیمز کھیلے  جاسکیں گے۔

اس کو استعمال کرنے کے لیے کسی میسنجر گروپ کال میں اسمائیلی آئیکون پر کلک کرکے گروپ ایفیکٹس کو منتخب کیا جاسکتا ہے۔

اس نئے اضافے سے فیس بک کو اسنیپ چیٹ اور دیگر سے مقابلہ کرنے میں مدد ملے گی جن میں کچھ عرصے سے اے آر گیمز کی سہولت موجود ہے۔

یہ فیچر 21 اکتوبر سے میسنجر کی عام کالز اور میسنجر رومز کے لیے دستیاب ہے اور بہت جلد انسٹاگرام میں بھی متعارف کرایا جائے گا۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More