سدا جواں رہنے کے لئے ان سات غذائو کا انتخاب کریں

بول نیوز  |  Nov 27, 2021

ایک مشہور قول ہے ہم جیسا کھاتے ہیں ویسا ہی نظر آتے ہیں، اور جب بات بے داغ، جھریوں سے پاک جلد کی ہو تو پھر ایسی غذا کی تلاش شروع کر دی جاتی ہے جو عمر رسیگی کے اثرات کو کم کرنے میں نہ صرف مدد فراہم کرے بلکہ یہ جلد کی قدرتی چمک اور نمی کوبھی بر قرار رکھے۔

ماہرین غذائیت نے ایک تحقیق کے بعد سات ایسے پھل اور سبزیوں کا انتخاب کیا جو آپ کو صحت مند رکھنے کے ساتھ  جلد کو بھی جواں رکھنے میں اہم کردار ادا کرتے ہیں۔

ایوکاڈو(مگر ناشپاتی)

ایو کاڈو میں کئی صحت مند چکنائیاں پائی جاتی ہیں جنہیں مونوسیچویٹڈ فیٹ کہا جاتا ہے۔جو آپ کی جلد کی نمی کو برقرار رکھنے کے ساتھ جلد دوست وٹامنز اور منرلز کو جسم میں جذب کرنے میں مدد دیتی ہیں۔

بلوبیریز

اس میں دوسری غذا کے مقابلے میں زیادہ اینٹی آکسیڈینٹ پائے جاتے ہیں جو جلد کونقصان پہنچانے والے فری ریڈیکل سے اضافی تحفظ فراہم کرتے ہیں۔ اور جلد پر جھریوں کی افزائش میں کمی لاتے ہیں۔

بروکلی (شاخ گوبھی)

بروکلی ایک ایسی سبزی ہے جو اپنے اندر اینٹی ایجنگ اوراینٹی سوزش خصوصیات رکھتی ہے۔ اس میں وٹامن سی، کے، فائبر، مختلف قسم کے اینٹی آکسیڈینٹ، فولیٹ اور کیلشیم کثیر تعداد میں پائے جاتے ہیں۔ کو لیجن جلد کا ایک اہم جز جسے بڑھانےکے لئے وٹامن سی اہم کردار ادا کرتا ہے۔ اس لئے اس کا استعمال جلد کو لچکدار بناتا ہے۔

سبز چائے

سبز چائے کے فوائد سے کون واقف نہیں یہ عمر رسیدگی کے اثرات سے تحفظ دینے میں اپنا ثانی نہیں رکھتی۔ اس میں صحت مند اجزاء پائے جاتے ہیں جوجلد کے تمام ہی مسائل کے حل میں مدد فراہم کرتے ہیں۔ یہ نہ صرف بڑھتی عمر کے اثرات کی رفتار کو سست کرتے ہیں بلکہ اسے ختم بھی کرنے میں بھی اہم کردار کرتے ہیں۔

سیلمن (مچھلی)

یہ مچھلی اومیگا تھری حاصل کرنے کا بہترین ذریعہ ہے جو جلد کے کینسر کے خلیات کوپھیلنے کو روکتی ہے۔

شکر قندی

شکر قندی میں بیٹاکیروٹین پایا جاتا ہے جو اسے نارنگی رنگ دیتا ہے یہ اینٹی آکسیڈینٹ جسم میں  وٹامن اے کی طرح خدمات انجام دیتا ہے جو جلد کو لچکدار بنانے، نرم اور جوان رکھنے میں مدد فراہم کرتا ہے۔ اس کے علاوہ اس میں وٹامن سی، ای بھی موجود ہوتا ہے جو فری ریڈیکل سے تحفظ دینے اور رنگت نکھارنے میں اہم کردار ادا کرتے ہیں۔

 جو(جئی)

یہ کاربوہائیڈریٹ سے بھرپور غذا ہے جو جسم میں چینی کی سطح کو اعتدال میں رکھتی ہے کیو نکہ چینی کا زیادہ استعمال جلد پر جھریوں اور مہاسوں کا سبب بنتا ہے۔ یہ جلد کو کئی طرح کے نقصان سے بچاتا ہے اوراس کی جلن کو کم کرتا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More