رواں ہفتے بھی ڈالر کی اونچی اڑان تھم نہ سکی

بول نیوز  |  Nov 27, 2021

پاکستان میں رواں کاروباری ہفتے میں ڈالر کی قدر میں کس حد تک اضافہ ہوا اور کتنی کمی ریکارڈ کی گئی ہے اس حوالے سے انٹربینک نے رپورٹ جاری کردی ہے۔

جاری رپورٹ کے مطابق ایک ہفتے میں انٹر بینک میں ڈالر 22 پیسے مہنگا ہوا ہے۔

ہفتے میں انٹر بینک میں ڈالر 174.98 سے بڑھ کر 175.46 روپے پر بند ہوا ہے جبکہ اوپن مارکیٹ میں ڈالر 1 روپے اضافے سے 179 روپے 50 پیسے کا ہوگیا ہے۔

رپورٹ کے مطابق کاروباری ہفتے کی کم ترین سطح 172.6روپے رہی اور بلند ترین سطح 176.75 روپے رہی ہے۔

واضح رہے کہ ڈالر کی قدر میں اضافے سے پاکستان پر واجب الادا بیرونی قرضوں کی مالیت میں بھی بتدریج اضافہ ہورہا ہے۔

سینیٹ میں پیش کی گئی اندرونی و بیرونی قرضوں کی تفصیلات کے مطابق جون 2018 میں ملک کے اندرونی قرضے 16.4 ٹریلین تھےجبکہ اگست 2021 تک اندرونی قرض 26 ہزار ارب روپے سے بڑھ گئے۔

اس کے علاوہ بیرونی قرض میں بھی ساڑھے 6 ہزار ارب روپے کا اضافہ ہوا ہے، جون 2018 میں بیرونی قرض ساڑھے 8 ہزار ارب روپے تھا جبکہ اگست 2021 تک بیرونی قرض ساڑھے 14 ہزار ارب سے تجاوز کر گیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More