ملک بھرکی تمام ڈومیسٹک پروازوں پرکھانا ملے گا نہ اسنیکس

ہم نیوز  |  Jan 15, 2022

سول ایوی ایشن اتھارٹی نےپروازوں میں 17 جنوری سے دوران پرواز کھانے کی فراہمی پر پابندی عائد کر دی۔

کورونا سے متعلق نئی ایڈوائزری میں ملک بھر کی تمام ڈومیسٹک پروازوں پر کھانے کی فراہمی اور اسنیک پر پابندی عائد کی گئی ہے۔

سول ایوی ایشن اتھارٹی کے مطابق پابندی کا اطلاق 17جنوری 2022 سے ہوگا ، کھانے کی فراہمی پر پابندی کورونا کی نئی لہر کے پھیلاؤ کے پیش نظرعائد کی گئی۔

نیشنل کمانڈ اینڈ آپریشن سینٹر (این سی او سی) کے اجلاس میں دوران پرواز کھانے کی فراہمی پر پابندی کا فیصلہ کیا گیا تھا اور سول ایوی ایشن اتھارٹی کو ہدایت کی گئی تھی کہ وہ پرواز میں کورونا ایس او پیز پر عملدرآمد کو یقینی بنائے۔

این سی او سی نے 17 جنوری کو بین الصوبائی وزرا صحت اور تعلیم کا اجلاس بھی طلب کر لیا ہے جبکہ این سی او سی نے ویکسی نیشن مہم اور اہداف کا حصول بھی تیز کرنے کی ہدایت کی ہے۔

یہ بھی پڑھیں: 

نیشنل کمانڈ اینڈ آپریشن سینٹر اجلاس میں ملک میں بیماری کے بڑھتے پھیلاؤ کا جائزہ لیا گیا اور این سی او سی نے ضروری اقدامات کے لیے صوبوں بالخصوص سندھ حکومت کے ساتھ رابطے کا فیصلہ کیا ہے۔

واضح رہے کہ دنیا بھر کی طرح پاکستان میں بھی کورونا کیسز میں تیزی آ گئی ہے جس سے سب سے زیادہ کراچی متاثر ہے جہاں کورونا کی شرح 35 فیصد سے بڑھ گئی ہے۔

 

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More