براڈ کاسٹر پر تنقید کے باوجود بھارتی کھلاڑی سزا سے بچ نکلے

بول نیوز  |  Jan 15, 2022

بھارتی ٹیم کو براڈ کاسٹر پر تنقید زیادہ مہنگی نہ پڑی اور صرف تنبیہ کے بعد میچ ریفری نے انہیں چھوڑ دیا۔

کیپ ٹاؤن ٹیسٹ میں بھارتی کھلاڑیوں نے شکست کے ڈر سے براڈ کاسٹر پر تنقید کی تو میچ ریفری نے ایکشن ے لیا لیکن ان کا ایکشن بھی ایک تنبیہ سے زیادہ کا نہ نکلا۔

میڈیا رپورٹس کے مطابق آئی سی سی کے قوانین میں براڈ کاسٹرز پر تنقید کا کوئی قانون موجود نہیں جس کے باعث میچ ریفری نے بھارتی کھلاڑیوں کو سخت تنبیہ کے بعد چھوڑ دیا ہے۔

یہ بھی پڑھیں: آؤٹ نہ دینے پر ویرات کوہلی آپے سے باہر ہوگئے

واضح رہے کہ سابق انگلش کھلاڑی مائیکل وان اور جنوبی افریقہ کے سابق کھلاڑی ڈیرل کلی نن نے بھارتی کپتان ویرات کوہلی پر براڈ کاسٹر پر تنقید کرنے پر جرمانے کا مطالبہ کیا تھا۔

خیال رہے کہ بھارت اور جنوبی افریقہ کے درمیان کھیلے گئے کیپ ٹاؤن ٹیسٹ کے تیسرے میچ میں اس وقت دلچسپ صورت حال پیدا ہوئی جب تھرڈ امپائر کی جانب سے جنوبی افریقہ کے کھلاڑی ڈین ایلگر کا ناٹ آؤٹ قرار دیا گیا۔

ڈین ایلگر کا ناٹ آؤٹ قرار دینے پر بھارتی کرکٹ ٹیم کے کپتان ویرات کوہلی سمیت دیگر کھلاڑی آپے سے باہر ہوگئے جبکہ بھارتی کپتان نے غصے میں آکر اسٹمپ مائیک پر کہا کہ ’ڈی آر ایس میں یقینی طور جنوبی افریقہ کے حق میں دھاندلی کی گئی ہے، اپوزیشن کی بجائے اپنی ٹیم پر توجہ دیں‘۔

یہ بھی پڑھیں: جنوبی افریقہ سے ٹیسٹ سیریز ہارنے کے بعد ویرات کوہلی کا ردعمل

بھارتی ٹیم کے نائب کپتان ایل راہول نے بھی تنقید کرتے ہوئے کہا کہ 11 کھلاڑیوں کے خلاف پورا ملک ہے جبکہ بولر ایشون نے براہ راست براڈ کاسٹر سے مخاطب ہوتے ہوئے کہا ’آپ کو جیتنے کے لیے بہتر طریقے تلاش کرنے چاہئیے‘۔

واضح رہے کہ 2011 کے ورلڈ کپ میں اس ہی ڈی آر سسٹم کا فائدہ بھارتی ٹیم کو ہوا تھا جب سعید اجمل کی گیند پر ٹنڈولکر کو ناٹ آؤٹ قرار دیا گیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More