گھانا میں ہولناک دھماکہ، 17 افراد ہلاک، 59 زخمی

ہم نیوز  |  Jan 21, 2022

اکرا: گھانا میں ہونے والے ہولناک دھماکے میں 17 افراد ہلاک اور 59 زخمی ہو گئے۔

غیر ملکی خبر رساں ایجنسی کے مطابق گھانا کے شہر بوگوسو میں موٹرسائیکل اور ٹرک کے درمیان تصادم ہوا جس کے بعد دھماکہ ہو گیا۔ ٹرک میں دھماکہ خیز مواد سے بھری پیٹیاں موجود تھیں جنہیں کان کنی کی غرض سے لے جایا جا رہا تھا۔

شدید دھماکہ کے باعث زمین میں کئی فٹ گہرا گڑھا پڑ گیا اور ارد گرد کی متعدد عمارتیں بھی زمین بوس ہو گئیں۔ گنجان آباد علاقہ ہونے کی وجہ سے دھماکے سے بہت نقصان ہوا۔

یہ بھی پڑھیں: 

دھماکے کی بعد ہر طرف دھواں اور راکھ کے بادلوں نے علاقے کو اپنی لپیٹ میں لے لیا تھا۔

حکام کے کا کہنا تھا کہ امدادی کارروائیاں مکمل ہوچکی ہیں تاہم زخمیوں میں کئی افراد کی حالت تشویشناک ہے جبکہ اموات کی تعداد میں اضافہ ہونے کا خدشہ ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More