آئی فون 13 سیریز میں نئے مسائل کا انکشاف

بول نیوز  |  Jan 24, 2022

ایپل کے اب تک کے مہنگے ترین آئی فونز ۱۳ اور ۱۳ پرو میں ایک نئی خامی سامنے آئی ہے، جس میں آئی فونز کی اسکرینز ارغوانی (مجنٹا) رنگ کی ہوجاتی ہے اور فون بار بار کریش ہوجاتا ہے۔

تاہم سپورٹ ٹیمز کے خیال میں کریش ہونا ہارڈ ویئر کا نہیں بلکہ سافٹ ویئر کا مسئلہ ہے۔

ایپل انسائیڈر کے مطابق، 2021 کے آخر میں آئی فون 13 اور آئی فون 13 پرو لائنز کی ریلیز کے فوراً بعد، صارفین کی ایک چھوٹی تعداد کو اپنے اسمارٹ فونز کے ساتھ مایوس کن صورتِ حال کا سامنا کرنا پڑا۔

رپورٹ میں کہا گیا ہے کہ ان کے آئی فون لاک ہوجاتے ہیں اور اور ڈسپلے گلابی رنگ کا ہوجاتا ہے۔

ایپل کے سپورٹ فورم پر موجود پوسٹس میں اس مسئلے کی بہت سی مثالیں پیش کی گئی ہیں، اس مئلے کی عام علامات گلابی ڈسپلے، ڈیوائس فریز ہو جانا اور کریش ہونا ہیں۔

رپورٹ کے مطابق، تاحال یہ تو معلوم نہیں ہوسکا کہ اس بَگ کی وجہ کیا ہے، لیکن بظاہر یہ ایک قابل مرمت صورتِ حال ہے۔

کچھ صارفین کا کہنا ہے کہ آئی فون کی سیٹنگز کو دوبارہ ترتیب دینے سے مسئلہ ختم ہو جاتا ہے، جب کہ دوسروں کا کہنا ہے کہ انہوں نے ایپل سے رابطہ کیا اور متبادل کے لیے اپنے ہینڈ سیٹس کو تبدیل کیا۔

MyDrivers کی ایک رپورٹ کے مطابق اس مسئلے کا سامنا کرنے والے چینی صارفین کا کہنا ہے کہ ایسا لگتا ہے ایپل اس مسئلے کے وجود سے واقف پہلے ہی واقف تھا۔

رپورٹ کے مطابق  ایک کسٹمر سروس کے نمائندے نے صارف کو بتایا کہ ٹیم کو “متعلقہ نوٹس” نہیں ملے کہ یہ ایک ہارڈ ویئر کا مسئلہ ہے، لیکن کہا گیا کہ یہ سسٹم کا مسئلہ ہے۔

متاثرہ صارفین کو مشورہ یہ ہے کہ وہ اپنے ڈیٹا کا بیک اپ لیں اور پھر یا تو فیکٹری ری سیٹ کریں یا iOS کو تازہ ترین ورژن میں اپ ڈیٹ کریں۔ اگر مسئلہ برقرار رہتا ہے، تو ہارڈ ویئر کی مرمت کی ضمانت دی جا سکتی ہے۔

اس مسئلے کی ممکنہ وجوہات کیا ہوسکتی ہیں؟

اس بگ کی ممکنہ وجوہات سافٹ ویئر اور ہارڈ ویئر یا دونوں پر مشتمل ہوسکتی ہیں۔

جب ڈسپلے بھڑکیلے ارغوانی میں بدل جاتا ہے، تو بہت سے لوگ یہ سمجھتے ہیں کہ یہ ہارڈوئیر کا مسئلہ ہے اور سبز پکسلز اب ٹھیک سے کام نہیں کر رہے ہیں اور نیلے ، سرخ پکسلز کو میجنٹا میں ملا دیتا ہے۔

ایک اور ممکنہ وجہ یہ ہو سکتی ہے کہ GPU میں غیر فعال میموری اس مسئلے کی ذمہ دار ہے۔

تاہم، ایپل نے ابھی تک اس بات کی تصدیق نہیں کی ہے کہ اس مسئلے کو اصل میں کیا متحرک کرتا ہے، اس لیے ہم اصل وجہ کے بارے میں صرف قیاس کر سکتے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More