عمران طاہر کی شاہنواز دھانی کیساتھ سندھی بولنے کی ویڈیو وائرل

بول نیوز  |  Jan 28, 2022

ملتان سلطانز کے فاسٹ بولر شاہنواز دھانی اور لیگ اسپنر عمران طاہر کے سندھی بولنے کی ویڈیو وائرل ہوگئی۔

پاکستان سپر لیگ کے ساتویں ایڈیشن کے افتتاحی میچ میں دفاعی چیمپئن ملتان سلطانز بہترین کارکردگی کا مظاہرہ کرتے ہوئے کراچی کنگز کو 7 وکٹ سے شکست دینے میں کامیاب رہا، میچ کی خاص بات عمران طاہر کی بولنگ اور کپتان محمد رضوان کی بیٹنگ تھی۔

ملتان سلطانز کی جانب سے اپنے ٹوئٹر اکاؤنٹ پر پی ایس ایل 7 کے افتتاحی میچ سے قبل کھلاڑیوں  کے آپس میں ملنے کی ویڈیو شیئر کی ہے جس میں جنوبی افریقی لیگ اسپنر عمران طاہر اور پاکستان کے ابھرتے ہوئے ستارے شاہنواز دھانی کو گلے ملتے ہوئے دکھایا گیا ہے۔

Words can’t capture the joy of meeting your loved ones 🥰 after a long time. @ShahnawazDahani @ImranTahirSA @iMRizwanPak #HBLPSL7 #SultanAaGayya #LevelHai pic.twitter.com/YyXP3D1BE1

— Multan Sultans (@MultanSultans) January 27, 2022

عمران طاہر اور شاہنواز دھانی جیسے ہی ایک دوسرے سے ملے تو انہوں نے سندھی زبان میں گفتگو شروع کردی جو سوشل میڈیا پر وائرل ہوگئی۔

ویڈیو میں دیکھا جاسکتا ہے کہ شاہنواز دھانی نے اپنی روایتی انداز سے عمران طاہر کا استقبال کیا اور جھک کر انہیں عزت دینے کی کوشش کی جس پر عمران طاہر نے انہیں روکا۔

فاسٹ بولر کا کہنا تھا کہ پچھلے سیزن میں عمران طاہر کی جانب سے سندھی زبان میں بات کرنے پر حیرت میں مبتلا ہوگیا تھا ، اس دوران انہوں نے عمران طاہر سے سندھی میں بات بھی کی اور لیگ اسپنر نے بھی انہیں سندھی زبان میں ہی جواب دیا۔

واضح رہے پی ایس ایل 7 کے پہلے میچ میں ملتان سلطانز کے لیگ اسپنر عمران طاہر نے کراچی کنگز کے خلاف 3 وکٹیں حاصل کرکے اپنی ٹیم کی کامیابی میں اہم کردار ادا کیا تھا جس پر انہیں مین آف دی میچ سے بھی نوازا گیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More