ایلون مسک نے ٹوئٹر کی خریداری عارضی طور پر روک دی

ہم نیوز  |  May 13, 2022

امریکی ٹیکنالوجی کمپنی ٹیسلا کے سربراہ ایلون مسک نے ٹوئٹر انکارپوریشن کی خریداری کے منصوبے پر عملدرآمد کو عارضی طور پر روک دیا۔

غیر ملکی خبر رساں ایجنسی کے مطابق ایلون مسک نے 44 ارب ڈالرز میں ٹوئٹر انکارپوریشن خریدنے کا فیصلہ کیا تھا تاہم اب انہوں نے اس فیصلے کو عارضی طور پر روکنے کا اعلان کیا ہے۔

ٹیسلا کے سربراہ نے سماجی رابطے کی ویب سائٹ ٹوئٹر پر اس تعطل کی وجہ جعلی اکاؤنٹس کے حوالے سے جاری ہونے والی رپورٹ بتائی ہے۔

Twitter deal temporarily on hold pending details supporting calculation that spam/fake accounts do indeed represent less than 5% of users

— Elon Musk (@elonmusk)

اس وقت ٹوئٹر کے صارفین کی تعداد تقریباً 22 کروڑ 90 لاکھ ہے اور کمپنی کی جانب سے مئی کے آغاز میں تخمینہ لگایا گیا تھا کے اس کے 5 فیصد سے کم اکاؤنٹس جعلی یا اسپام ہیں۔

ایلون مسک نے کچھ عرصے قبل کہا تھا کہ ٹوئٹر سے اسپام بوٹس کو ہٹانا ان کی ترجیح میں شامل ہے اور اب انہوں نے کہا کہ اس بات کی تصدیق ہونی چاہیے کہ واقعی ٹوئٹر میں جعلی اور اسپام اکاؤنٹس کی تعداد مجموعی تعداد سے 5 فیصد کم ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More