اليکشن کميشن نےمنحرف اراکین کافیصلہ کل سنانےکا اعلان واپس لےلیا

سماء نیوز  |  May 17, 2022

الیکشن کمیشن نے تحریک انصاف کے منحرف ارکان کيخلاف اسپيکر کے ريفرنس پر محفوظ فیصلہ کل دوپہر سنانے کا اعلان واپس لے لیا۔ 

الیکشن کمیشن نے قرار دیا ہے کہ منحرف اراکین کا فیصلہ سنانے سے قبل فريقين کو نوٹسز جاری کئے جائيں گے۔ پہلے بتایا گیا کہ فیصلہ بدھ دن 12 بجے سنایا جائے گا بعد میں کازلسٹ تبدیل کر دی گئی۔

اس سے قبل عمران خان کے خلاف بغاوت کرنے والے پنجاب اسمبلی کے 25 ارکان کی رکنیت سے متعلق الیکشن کمیشن نے چیئرمین پی ٹی آئی کی جانب سے بھیجے گئے ریفرنسز پر سماعت مکمل کر لی۔

باغی پی ٹی آئی ارکان کے وکلا نے دلائل میں کہا فلورکراسنگ کو ذاتی مفادات اور پارٹی میں آمریت سے الگ کرکے نہیں دیکھا جا سکتا، عمران خان نے پرویز الہیٰ کو ووٹ دینے کا کہا تھا مگر الیکشن کا بائیکاٹ کر دیا گیا ، یوں پی ٹی آئی کے تمام ایم پی ایز کیخلاف کارروائی ہونی چاہیے تھی ۔ پرویزالہیٰ وزیراعلیٰ کےامیدوار تھے انہی نے بطور اسپیکر ریفرنس بھجوائے ، یہ مفادات کے ٹکراؤ کا معاملہ ہے ریفرنسز مسترد کئے جائیں ۔

پی ٹی آئی کے وکیل علی ظفر کا کہنا ہے کہ یہ کہنا کہ ہميں تو پتہ نہيں تھا کہ پارٹی ہدايات کيا ہيں؟ يہ دفاع درست منطقی اور جائز نہيں ہے۔ انہوں نے جوابی دلائل دینے کے بعد امید ظاہر کی کہ فیصلہ ان کے حق میں آئے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More