روس سے سستا تیل لینے دیتے تو مہنگائی کا یہ طوفان تھم جاتا، فواد چودھری

ہم نیوز  |  May 26, 2022

پاکستان تحریک انصاف (پی ٹی آئی) کے رہنما فواد چودھری نے کہا ہے کہ ہمیں روس سے سستا تیل لینے دیتے تو مہنگائی کا یہ طوفان تھم جاتا۔

حکومت کی جانب سے پیٹرولیم مصنوعات کی قیمتوں میں اضافے پر ردعمل دیتے ہوئے انہوں نے کہا کہ آئی ایم ایف کی خواہش پر پیٹرول اور ڈیزل کی قیمت میں اضافہ کر دیا گیا ہے جس سے عام آدمی کی مشکلات میں بے پناہ اضافہ ہو گا۔

انہوں نے کہا کہ اب بجلی کی قیمت میں بھی مزید اضافہ کیا جا رہا ہے، تحریک انصاف اس اضافے کو مسترد کرتی ہے۔

ان کا کہنا تھا کہ ہماری روس کے ساتھ سستے تیل کے لیے ڈیل ہوئی تھی، بھارت نے کس طرح تیل سستا کیا، آپ کیوں روس سے تیل نہیں لے رہے۔

انہوں نے کہا کہ مفتاح اسماعیل کو چاہیے کہ حماد اظہر اور شوکت ترین کے ساتھ بیٹھ کر سمجھ لے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More