حکومت کے 100 روز مکمل نہیں ہوئے لیکن سہولیات پہنچانا شروع کر دیں، رانا ثنا اللہ

ہم نیوز  |  Jul 07, 2022

وزیر داخلہ رانا ثنا اللہ کا کہنا ہے کہ دوسری مرتبہ عام آدمی کو سستی، باوقار اور بہترین سروس فراہم کی جا رہی ہے، اسلام آباد کے ہزاروں عام شہری بس سروس سے فائدہ اٹھا سکیں گے۔

گرین لائن اور بلیو لائن سروس کی افتتاحی تقریب سے خطاب کرتے ہوئے وزیر داخلہ نے کہا کہ پیٹرول کی بڑھتی قیمت اور مہنگائی کے دور میں بس سروس عام آدمی کے لیے نعمت سے کم نہیں، حکومت کے100 روز مکمل نہیں ہوئے حکومت نے سہولیات پہنچانے شروع کردئیے ہیں۔

اسلام آباد پولیس کی تنخواہیں پنجاب پولیس کے برابر کرنے پر وزیر اعظم کا شکریہ ادا کرتا ہوں، وزیر اعظم نے شہدا اور دوران سروس وفات پا جانے والے اہلکاروں کی گرانٹس کی منظوری بھی دے دی ہے، شہدا کے لواحقین کو رقوم ادا کی گئی ہیں، پولیس اہلکار کی شہادت یا دوران سروس وفات پانے والوں کے لواحقین کے لئے 22ارب روپے واجب الادا تھے۔

یہ بھی پڑھیں: 

ایک ماہ کے بعد اسلام آباد پولیس کے لیے اسپتال کا سنگ بنیاد رکھیں گے، ماضی کے حکمران گھر سے دفتر آتے جاتے پریس کانفرنس کرتے تھے، پولیس اہلکاروں کی یتیموں کی یہ رقوم ادا کرنے کی توفیق انہیں نہیں ہوئیں۔

انہوں نے یہ بھی بتایا کہ وزیر اعظم نے اسلام آباد سیف سٹی کے لئے گرانٹ جاری کئے ہیں، اسلام آباد سیف سٹی کی کوریج 100 فیصد کرنے کی کوشش کی جائے گی، 30 ارب روپے کے منصوبے ہیں جس کا تعلق براہ راست عام آدمی سے ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More