وراٹ کوہلی کا حوصلہ افزائی پر بابر اعظم کا شکریہ

اردو نیوز  |  Jul 18, 2022

انڈین کرکٹر وراٹ کوہلی نے پاکستان کرکٹ ٹیم کے کپتان بابر اعظم کی جانب سے حوصلہ افزائی کرنے پر ان کا شکریہ ادا کیا ہے۔

بابر اعظم نے چند دن قبل سماجی رابطوں کی ویب سائٹ ٹوئٹر پر اپنی اور وراٹ کوہلی کی تصویر شیئر کی اور وراٹ کوہلی کی حوصلہ افزائی کرتے ہوئے لکھا تھا کہ ’یہ وقت بھی گزر جائے گا۔‘

سنیچر کو بابر اعظم کی پوسٹ پر تبصرہ کرتے ہوئے وراٹ کوہلی نے ان کا شکریہ ادا کرتے ہوئے کہا کہ ’چمکتے رہیں اور آگے بڑھتے رہیں، آپ کے لیے نیک تمنائیں۔‘

خیال رہے کہ کچھ عرصے سے وراٹ کوہلی آؤٹ آف فارم ہیں اور ان کی انڈین ٹیم میں جگہ کے حوالے سے بھی سوالات اٹھائے جارہے ہیں۔  

وراٹ کوہلی کے حوالے سے ٹویٹ پر پاکستان کرکٹ ٹیم کے کپتان بابر اعظم کو نہ صرف پاکستان بلکہ سرحد پار بھی خوب سراہا گیا۔

عام طور پر بابراعظم کا موازنہ وراٹ کوہلی سے کیا جاتا ہے اور ہر میچ کے بعد دونوں کی سینچریوں اور مجموعی سکور کا تقابل کیا جاتا ہے۔

Thank you. Keep shining and rising. Wish you all the best 

— Virat Kohli (@imVkohli) July 16, 2022

بابر اعظم اس وقت ون ڈے اور ٹی20 کرکٹ کی رینکنگ میں پہلے نمبر پر ہیں جبکہ وراٹ کوہلی ون ڈے کرکٹ میں تیسرے نمبر پر ہیں اور ٹی20 میں ٹاپ ٹین میں موجود نہیں ہیں۔

وراٹ کوہلی اور بابر اعظم  کے پیغامات کے تبادلے سے انڈیا اور پاکستان میں کرکٹ شائقین کی خوشی قابل دید ہے۔

ٹوئٹر صارف انظر شاہ نے کہا کہ ’یہ سال میں پہلی بار ہے کہ وراٹ کوہلی نے کسی ٹویٹ کا جواب دیا ہے، ایک چیمپیئن کا دوسرے چیمپیئن کو جواب دینا تو بنتا ہے۔‘

ٹوئٹر ہینڈل کوٹلی لائنز پر لکھا گیا کہ ’پاکستان کے بابر اور انڈیا کے وراٹ دونوں سرحدوں کے پار دل جیت رہے ہیں۔‘

ٹوئٹر یوزر وقاص نے خوشی کا اظہار کرتے ہوئے لکھا کہ ’آگیا آگیا جواب آگیا‘

ابراہیم راجا نے لکھا کہ ’یہ برصغیر کی دو عمدہ شخصیات ہیں۔‘

یاد رہے کہ جمعرات کو بابر اعظم نے وراٹ کوہلی کو مخاطب کرتے ہوئے ٹویٹ میں ان کے لیے نیک خواہشات کا پیغام دیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More