قاسم سوری کی طرف سے ایک بھی استعفیٰ موصول نہیں ہوا، الیکشن کمیشن

ہم نیوز  |  Aug 05, 2022

اسلام آباد: الیکشن کمیشن آف پاکستان نے پاکستان تحریک انصاف کے ہیڈ آف میڈیا افیئرز فواد چودھری کے استعفوں سے متعلق بیان کو حقائق کے برعکس قرار دیتے ہوئے کہا ہے کہ سابق ڈپٹی اسپیکر قاسم سوری کی جانب سے ایک بھی استعفیٰ موصول نہیں ہوا ہے۔

ہم نیوز کے مطابق ترجمان الیکشن کمیشن نے جاری کردہ بیان میں کہا ہے کہ فواد چوہدری کا استعفے منظور نہ کرنے کا بیان حقائق کے برعکس ہے۔

ترجمان الیکشن کمیشن نے کہا کہ سابق ڈپٹی اسپیکر قاسم سوری کی طرف سے ایک بھی استعفیٰ موصول نہیں ہوا۔

ہم نیوز کے مطابق ترجمان الیکشن کمیشن نے واضح کیا ہے کہ استعفے موصول ہونے پر ضابطے کے تحت منظور کر کے الیکشن شیڈول جاری کر دیا۔ انہوں نے کہا کہ الیکشن کمیشن آئین کے تحت 60 روز کے اندر ان نشستوں پر الیکشن کرانے کا پابند ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More