انگلینڈ سے تاریخی فتح، بابر اعظم کے نام بڑا اعزاز

ہم نیوز  |  Sep 23, 2022

انگلینڈ سے تاریخی فتح کے ساتھ ہی کپتان بابر اعظم نے ایک اور اعزاز اپنے نام کر لیا، بابر اعظم پاکستان کی طرف سے سب سے زیادہ ٹی ٹوئنٹی میچز جیتنے والے کپتان بن گئے ہیں۔

بابر اعظم نے اب تک 49 ٹی ٹوئنٹی میچز میں پاکستان کی قیادت کی، جس میں 30 میں پاکستان کو فتح دلائی جبکہ 14 میچز میں شکست کا سامنا کرنا پڑا۔

اس سے پہلے یہ اعزاز سرفراز احمد کے پاس تھا، سرفراز نے 39 میچز میں قومی ٹیم کی نمائندگی کی، جس میں سے 29 میچز میں کامیابی جبکہ 8 میں شکست ہوئی۔

𝐀𝐭 𝐭𝐡𝐞 𝐭𝐨𝐩 🥇

Babar Azam has now earned the most wins as 🇵🇰 captain in T20Is 🌟 | pic.twitter.com/icwxayMGzw

— Pakistan Cricket (@TheRealPCB) September 22, 2022

اس فہرست میں تیسرے نمبر پر شاہد آفریدی ہیں جنہوں نے 43 میچز میں پاکستانی ٹیم کی کمان سنبھلاتے ہوئے 19 میچز میں فتح حاصل کی جبکہ 24 میچوں میں شکست ہوئی۔

چوتھے نمبر پر محمد حفیظ کا نام ہے جنہوں نے 29 میچوں میں کپتانی کے فرائض انجام دئیے جن میں سے 18 میں فتح اور 11 میں شکست ہوئی، شعیب ملک نے 20 ٹی ٹوئنٹی میچز میں پاکستان کی نمائندگی کرتے ہوئے 13 ٹی ٹوئنٹی میچز میں کامیابی حاصل کی جبکہ 7 میں شکست کا سامنا ہوا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More