انڈیا میں حکومت پاکستان کے سرکاری ٹوئٹر اکاؤنٹ تک رسائی مسترد

اردو نیوز  |  Oct 01, 2022

انڈیا میں حکومت پاکستان کے سرکاری ٹوئٹر اکاؤنٹ تک رسائی مسترد کر دی گئی ہے۔

انڈین اخبار ہندوستان ٹائمز کے مطابق سماجی رابطوں کی ویب سائٹ ٹوئٹر پر موجود سرکاری اکاؤنٹ کے پیج پر فراہم کردہ معلومات کے مطابق قانونی مطالبات کے جواب میں اکاؤنٹ تک رسائی مسترد کی گئی ہے۔

اس سے پہلے بھی حکومت پاکستان کا یہ سرکاری اکاؤنٹ انڈیا میں بلاک جا چکا ہے جو بعد میں فعال کر دیا گیا تھا۔

انڈیا کی سرکاری نیوز ایجنسی اے این آئی کے مطابق جولائی میں انڈیا نے متعدد پاکستانی اکاؤنٹس تک رسائی بند کر دی تھی، اسی دوران پاکستان کی حکومت کا ٹوئٹر اکاؤنٹ بھی بلاک کیا گیا تھا  جو بعد میں فعال ہو گیا تھا۔

ٹوئٹر نے فی الحال اس حوالے سے کوئی بیان نہیں دیا۔

ٹوئٹر کی ہدایات کے مطابق اس قسم کا اقدام صرف اس صورت میں لیا جاتا ہے جب عدالتی حکمنامے جیسا کوئی قانونی مطالبہ کیا گیا ہو۔

جون کے مہینے میں انڈیا میں ٹوئٹر نے پاکستان کے سفارتخانے کا سرکاری اکاؤنٹ بلاک کیا تھا تھا جبکہ اگست میں یوٹیوب کے 8 نیوز چینلز کو بھی بند کیا گیا تھا جن میں سے ایک پاکستان سے چلایا جا رہا تھا۔ جبکہ ’انڈیا مخالف غلط معلومات‘ پھیلانے پر ایک فیس بک اکاؤنٹ بھی بند کیا گیا۔

The Twitter account of the Government of Pakistan withheld in India pic.twitter.com/60Uzpoujwz

— ANI (@ANI) October 1, 2022

انڈین حکومت نفرت انگیز مواد پھیلانے پر ایک سو سے زیادہ یوٹیوب چینل، چار فیس بک پیجز، پانچ ٹوئٹر اکاؤنٹس اور تین انسٹاگرام اکاؤنٹ بند کر چکی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More