سیلاب کے باعث بند ہونے والا ریلوے آپریشن جزوی طور پر بحال

ہم نیوز  |  Oct 02, 2022

نواب شاہ: حالیہ بارشوں اور سیلاب کے باعث بند ہونے والے ریلوے آپریشن کو جزوی طور پر بحال کردیا گیا ہے۔

ہم نیوز کے مطابق کراچی سے لاہور اور پشاور جانے والی دو مسافر ٹرینوں کو آج سے بحال کردیا گیا ہے جس کے بعد کراچی سے پشاور جانے والی رحمان بابا ایکسپریس نواب شاہ ریلوے اسٹیشن پہنچ گئی ہے۔

ہم نیوز کو اس حوالے سے نواب شاہ ریلوے اسٹیشن ماسٹر نے بتایا ہے کہ رحمان بابا اور خیبر میل ایکسپریس کے مقرر اسٹیشن اسٹاپ بھی بحال کردیے گئے ہیں۔

نواب شاہ ریلوے اسٹیشن ماسٹر کے مطابق 5 اکتوبرسے کراچی ایکسپریس، پاک بزنس اور قراقرم مسافرٹرینیں بھی بحال کردی جائیں۔

واضح رہے کہ شدید بارشوں اور سیلابی صورتحال کے باعث 26 اگست سے اپ اور ڈاؤن ٹریک کو بند کردیا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More