پاکستان نے کبھی ڈیفالٹ نہیں کیا، ہم ادائیگیاں کریں گے، اسحاق ڈار

ہم نیوز  |  Nov 19, 2022

وزیر خزانہ اسحاق ڈار نے کہا ہے کہ ملک کی معیشت کے حوالے سے بے بنیاد افواہیں پھیلائی جا رہی ہیں، پاکستان نے کبھی ڈیفالٹ نہیں کیا، ہم ادائیگیاں کریں گے۔

میڈیا سے گفتگو کرتے ہوئے انہوں نے کہا کہ افواہیں پھیلانے کے پیچھے سیاسی مقاصد ہو سکتے ہیں، معیشت کے حوالے سے منفی باتوں سے معاہدوں پر اثر پڑتا ہے۔

انہوں نے کہا کہ یہ بات پھیلائی جا رہی ہے پاکستان دسمبر میں اپنے سکوک بانڈز کی ادائیگیاں نہیں کر سکے گا،واضح کر رہا ہوں کہ بانڈز کی وقت پر ادائیگیاں ہوں گی۔اس حوالے سے کسی کو بھی پریشانی نہیں ہونی چاہئے۔

اسحاق ڈار نے کہا کہ معیشت کے حوالے سے غیر ذمہ دارانہ گفتگو سے پرہیز کریں، سب سے پہلے ہم پاکستانی ہیں پھر کسی پارٹی کیساتھ تعلق ہے،افواہیں پھیلانا بند کریں، پاکستان سب کا ہے، غیر ذمے دارانہ بیانات سے ملک کو نقصان ہوتا ہے۔

ان کا کہنا تھا کہ ملک میں پیٹرول اور ڈیزل کی کوئی کمی نہیں، سب افواہیں ہیں، ملک میں پیٹرولیم مصنوعات کے جتنے ریزرو ہونے چاہئیں موجود ہیں۔

انہوں نے کہا کہ کہا جا رہا ہے کرنٹ اکاؤنٹ خسارہ بے قابو ہو گیا ہے، لیکن ایسا نہیں ہے، پاکستان کے ڈیفالٹ ہونے سے متعلق افواہوں پر کان نہ دھریں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More