ممتاز صنعتکار ایس ایم منیر کا انتقال ہو گیا

ہم نیوز  |  Dec 01, 2022

کراچی: ممتاز صنعتکار ایس ایم منیر کا مختصر علالت کے بعد انتقال ہو گیا ہے، صدر کاٹی فراز الرحمان نے 77 سالہ ایس ایم منیر کے انتقال کی تصدیق کردی ہے۔

ایس ایم منیر کورنگی ایسوسی ایشن آف ٹریڈ اینڈ انڈسٹری (کاٹی) کے سرپرست اعلیٰ تھے، وہ ٹریڈ ڈیولپمنٹ اتھارٹی کے سربراہ بھی رہے۔

معروف صنعت کار ایس ایم منیر چمڑے کی صنعت سے وابستہ تھے، مرحوم مختلف کمپنیوں اور بینکوں کے بورڈ ممبر بھی رہے۔

چیئرمین پاکستان پیپلزپارٹی اور وزیر خارجہ بلاول بھٹو زرداری نے معروف صنعتکار ایس ایم منیر کے انتقال پر گہرے دکھ  کا اظہار کرتے ہوئے مرحوم کے لواحقین سے دلی تعزیت کی ہے۔

بلاول بھٹو نے جاری کردہ بیان میں کہا ہے کہ ایس ایم منیر کی ملک و قوم کیلئے خدمات کو کبھی فراموش نہیں کیا جائے گا۔

گورنر سندھ کامران ٹیسوری نے معروف صنعتکار ایس ایم منیر کے انتقال پر گہرے رنج و غم کا اظہار کرتے ہوئے کہا ہے کہ وہ آج دوپہر کورنگی ٹریڈ انڈسٹری کی تقریب میں بھی شریک ہوئے تھے۔

انہوں نے ایس ایم منیر کی خدمات کو خراج عقیدت پیش کرتے ہوئے کہا کہ مرحوم نے ملکی صنعتی ترقی میں نمایاں کردار ادا کیا، ایس ایم منیر حقیقی معنوں میں بابائے صنعت تھے، ان کے انتقال کی خبر سن کر گہرا صدمہ ہوا۔

صنعتیں بند، کاروبار متاثر، لوگ پریشان ہیں، حماد اظہر

گورنر سندھ کامران ٹیسوری نے کہا کہ مرحوم نے تاجروں کے مسائل حل کرنے کیلئے بہت محنت کی اور اعلیٰ اوصاف و کردار کے مالک تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More