راولپنڈی ٹیسٹ کی فاتح ٹیم 281 پر ڈھیر

ہم نیوز  |  Dec 09, 2022

ملتان ٹیسٹ میں انگلینڈ کی پوری ٹیم 281 رنز بنا کر آوٹ ہو گئی، پاکستان کے مسٹری اسپنر ابرار احمد انگلش بلے بازوں کے لیے مسٹری ثابت ہوئے، جو روٹ اور بین اسٹوکس سمیت کوئی بیٹسمین ابرار کو گھومتی گیندوں کا جادو سمجھ نہ پایا۔ 

نوجوان اسپنر نے ڈیبیو میچ کے پہلے ہی اوور میں زیک کرالی کو کلین بولڈ کردیا۔ بین ڈکٹ نے مزاحمت کی اور تریسٹھ رنز بنا سکے لیکن وہ بھی ابرار احمد کے ہاتھوں وکٹ گنوا بیٹھے۔  جو روٹ صرف 8 رنز تک ہی مزاحمت کر پائے اور ایل بی ڈبلیو ہو گئے۔

اولی پوپ اور ہیری بروک کیچ آوٹ ہوئے۔ کپتان بین اسٹوکس کو بھی ابرار احمد نے بولڈ کر دیا۔ ول جیکس کی وکٹ بھی ابرار کے حصے میں آئی۔ ابرار احمد کے بعد زاہد محمود نے  لگاتار دو گیندوں پر دو آوٹ کر دیئے۔ اولی رابنسن کیچ آوٹ ہوئے، جیک لیچ بولڈ ہوئے، جیمز اینڈرسن کی آخری وکٹ بھی زاہد محمود کے حصے میں آئی۔

What a ball to get your first Test wicket! 👏

Immediate impact by Abrar Ahmed 🎯 | pic.twitter.com/8tvnuGFzyo

— Pakistan Cricket (@TheRealPCB) December 9, 2022

دوسرے میچ کے لیے پاکستان ٹیم میں 3 اور انگلینڈ کی ٹیم میں ایک تبدیلی کی گئی، آج کے میچ میں اظہر علی، نسیم شاہ اور حارث رؤف کی جگہ فہیم اشرف، محمد نواز اور ابرار احمد کو پاکستان ٹیم میں شامل کیا گیا ہے۔

انگلینڈ نے لیام لیونگسٹن کی جگہ مارک ووڈ کو پلیئنگ الیون میں شامل کیا ہے۔

ملتان کرکٹ اسٹیڈیم میں آج 16 سال بعد ٹیسٹ میچ کھیلا جا رہا ہے، ذرائع کے مطابق ملتان ٹیسٹ کیلئے تیار کی گئی پچ اسپینرز کے لیے ساز گار ہوگی، محمد نواز اور ابرار احمد کی ٹیم میں شمولیت کا امکان ہے۔

شاہین آفریدی سیریز سے پہلے اور حارث روف پہلے ٹیسٹ کے دوران انجری کا شکار ہوئے اور اب اطلاعات ہیں کہ نسیم شاہ کو بھی انجری کا سامنا ہے۔

واضح رہے پہلے راولپنڈی ٹیسٹ میچ میں انگلینڈ نے پاکستان کو 74 رنز سے شکست دے دی تھی۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More