طیارے کے پروان بھرنے کے کچھ دیر بعد جب آسمان پر بلندی کی جانب جا رہا تھا اچانک پائلٹ کی طبیعت شدید خراب ہوگئی اور تھوڑی ہی دیر میں وہ بیہوش ہونے لگا۔ جہاز کے عملے کا رابطہ کنٹرول روم سے منقطع ہونے لگا لیکن خُدا نے اس فلائٹ میں ایک فرشتہ صف انسان بھی مسافر بنا کر بھیجا جس نے سب کی جان بچا لی۔
امریکا میں مسافر جہاز کے ٹیک آف کرتے ہی پائلٹ کی طبیعت خراب ہو گئی، پرواز میں خوش قسمتی سے سفر کرنے والے دوسری ایئر لائن کے پائلٹ نے طیارے کو واپس بحفاظت اتار لیا۔
ساؤتھ ویسٹ ایئر لائن کی پرواز ڈبلیو این 6013 نے لاس ویگاس ایئر پورٹ سے کولمبس کے لیے گزشتہ صبح 6 بجکر 44 منٹ پر ٹیک آف کیا، اڑان بھرنے کے کچھ منٹ بعد پائلٹ کی حالت غیر ہوگئی۔
دوسری ایئر لائن کا ملازم پائلٹ اس فلائٹ میں بطور مسافر سفر کر رہا تھا، اس نے ہنگامی صورتحال میں سب کی مدد کی اور بوئنگ 737 طیارے کا کنٹرول سنبھال کر ایئر ٹریفک کنٹرول کو بروقت خود سے متعارف کرایا۔
اس کے بعد
اڑان بھرنے کے 1 گھنٹے اور 6 منٹ بعد واپس لاس ویگاس ایئر پورٹ پر باحفاظت میڈیکل ایمرجنسی لینڈنگ کروائی۔ جس کے بعد کپتان کی تبدیلی ہوئی اور پھر یہ پرواز 5 گھنٹے کی تاخیر سے دن 11 بجے کولمبس پہنچی۔
اگر بروقت دوسری ایئرلائن کا یہ پائلٹ مدد نہ کرتا تو طیارے میں موجود 150 لوگ جل کر مر جاتے ۔ اس لیے انہوں نے خود کی بھی جان بچائی اور پورے طیارے کو محفوظ رکھا جس کی وجہ سے کولمبس ایئر انتظامیہ نے ان کے لیے خاص تحفے اور انعامات کا انتظام بھی کیا۔