شمال مشرقی بحیرۂ عرب میں موجود ہوا کا دباؤ مزید بڑھ گیا ہے اور محکمۂ موسمیات کے مطابق یہ ڈپریشن اب "ڈیپ ڈپریشن" میں بدل چکا ہے۔ اگلے بارہ گھنٹوں میں اس کے سمندری طوفان کی صورت اختیار کرنے کے امکانات ظاہر کیے گئے ہیں۔
ماہرین کے مطابق یہ نظام کراچی سے تقریباً چار سو کلومیٹر جنوب میں موجود ہے۔ اس کے اثرات سے سندھ کے کئی شہروں سمیت کراچی میں ہلکی بارش ہوسکتی ہے جبکہ سمندر میں اونچی لہروں کے باعث طغیانی کی کیفیت رہے گی۔
شہر قائد کے موسم کے بارے میں کہا گیا ہے کہ آئندہ چوبیس گھنٹوں کے دوران فضا جزوی طور پر ابرآلود اور ہوا نم رہنے کا امکان ہے۔ کہیں کہیں بوندا باندی بھی متوقع ہے۔
درجہ حرارت کی پیشگوئی کے مطابق کراچی میں زیادہ سے زیادہ گرمی 36 ڈگری سینٹی گریڈ تک پہنچ سکتی ہے، جبکہ ہوا میں نمی کا تناسب اس وقت اکیاسی فیصد ریکارڈ کیا گیا ہے۔